«قالاداعى قۇرىلىسى ۇزاققا سوزىلعان نىسانداردى ارالاۋدى ارى قاراي دا جالعاستىرامىز. «قورعالجىن كۆارتالى», «ميرنىي دوم», «ارابي 2 – گرانيتنىي 2», «زەرە-2», «ارىستان», «Future Home», «سادوۆىە كۆارتالى», «تەرريتوريا كومفورتا-1 2-كەزەك» تۇرعىن ءۇي كەشەندەرىنىڭ ۇلەسكەرلەرىمەن كەزدەستىم. ۇلەسكەرلەرمەن بىرگە قۇرىلىس بارىسىن باقىلاۋدا ۇستايمىز.
قۇرىلىسى ۇزاققا سوزىلعان عيماراتتاردىڭ جاعدايى ءارتۇرلى. ءبىر جەرىندە ءۇيدىڭ تەك جاقتاۋى عانا بار بولسا, ەندى ءبىر تۇسىندا تەك قازانشۇڭقىرى عانا قازىلعان. ماسەلەن, «ارىستان» تۇرعىن ءۇي كەشەنىنىڭ قۇرىلىسى 11 جىل بۇرىن باستالعان. ال نىساندى وتكىزۋ كەزىندە تەك 20-30%-ى عانا دايىن ەدى. «سادوۆىە كۆارتالى» تۇرعىن ءۇي كەشەنى 8 جىل بۇرىن پروبلەمالى دەپ تانىلسا, نىساندى وتكىزۋ كەزىندە ىرگەتاسى عانا بولاتىن! مىڭداعان ۇلەسكەر وتباسى باسپاناسىن كۇتىپ ءجۇر», دەپ جازدى جەڭىس قاسىمبەك.
اكىمنىڭ جازۋىنشا, مەملەكەت باسشىسىنىڭ تاپسىرماسىنا سايكەس, قۇرىلىسى ۇزاققا سوزىلعان نىسانداردى اياقتاۋ بويىنشا اۋقىمدى جۇيەلى جۇمىس جۇرگىزىلىپ جاتىر. ءار ءۇي بويىنشا قادامدىق ءىس-شارالار جوسپارى بار. بيىل قۇرىلىسى ۇزاققا سوزىلعان 30 تۇرعىن ءۇي كەشەنىن اياقتاۋ جوسپاردا بار. بۇل – شامامەن 4 مىڭ ۇلەسكەر وتباسى. ولاردىڭ ءبىر بولىگى اياقتالدى.
«ۇلەسكەرلەر كەزدەسۋلەردە اباتتاندىرۋ, ينجەنەرلىك جەلىلەر سالۋ جانە ت.ب. ماسەلەلەردى كوتەرەدى. ءبىز ءوز تاراپىمىزدان مەردىگەرلەرگە بارىنشا كومەك كورسەتەمىز. دەگەنمەن ولاردىڭ ۇلەسكەرلەردى جالعان ۋادەمەن ۇمىتتەندىرۋىنە جول بەرمەيمىز.
ءبىزدىڭ مىندەتىمىز – ۇزاق قۇرىلىستاردى اياقتاۋ جانە ۇلەسكەرلەرگە پاتەر كىلتىن تاپسىرۋ», دەپ جازدى قالا اكىمى.
