تۋريستىك جارنا ءتۇسىمى بويىنشا كوش باسىندا تۇرعان الماتى قالاسىنا جالپى سومانىڭ 86 پايىزى نەمەسە 270,6 ميلليون تەڭگە تيەسىلى. ەكىنشى ورىندا تۇرعان استانا قالاسى 37,7 ميلليون تەڭگەدەن ارتىق تۋريستىك جارنا جيناعان.
تۋريستىك جارنا تولەۋ (نەمەسە Bed tax) الەمدىك تاجىريبە بولعاندىقتان, شەتەلدىكتەرگە جاڭالىق ەمەس. تۋريستىك جارنا - حوستەل, جالعا بەرىلەتىن باسپانالاردان بولەك ورنالاسۋ ورىندارىندا بولعان ءاربىر تاۋلىك ءۇشىن تۋريستەردەن الىناتىن تولەم. تۋريستىك جارنا مولشەرىن جەرگىلىكتى اكىمدىكتەر بەلگىلەپ, قاراجات تا جەرگىلىكتى اتقارۋشى ورگانداردىڭ بيۋدجەتىنە تۇسەدى.
«تۋريستىك جارنادان تۇسكەن قاراجات تۋريستىك ينفراقۇرىلىمدى دامىتۋعا, اۋماقتاردى اباتتاندىرۋعا, تۋريستىك مۇمكىندىكتەردى ىلگەرىلەتۋ بويىنشا ءىس-شارالاردى ىسكە اسىرۋعا باعىتتالۋى كەرەك. بۇل وڭىرلەرگە كەلەتىن تۋريستەردىڭ سانىن ارتتىرۋعا ىنتالاندىراتىن بولادى», دەدى قر مسم تۋريزم يندۋسترياسى كوميتەتىنىڭ توراعاسى داستان رىسپەكوۆ.
