سولتۇستىك قازاقستان وبلىسىنىڭ اۋماقتىق قورعانىس بريگاداسىندا ۇيىمداستىرىلعان جيىنعا وڭىرلىك قولباسشىلىق اسكەرلەرى مەن دەسانتتىق-شابۋىلداۋ اسكەرلەرى قولباسشىلارىنىڭ اۋماقتىق اسكەرلەر باسقارمالارى بولىمدەرىنىڭ باستىقتارى, اكىمدەردىڭ اسكەري قاۋىپسىزدىك جانە قورعانىس ماسەلەلەرى جونىندەگى كومەكشىلەرى, اۋماقتىق قورعانىس بريگادالارىنىڭ كومانديرلەرى, جەرگىلىكتى اتقارۋشى ورگانداردىڭ وكىلدەرى قاتىستى.
– 2017 جىلى اۋماقتىق اسكەرلەردىڭ قۇرىلعالى بەرى وسىنداي بەيىندەگى ماماندارمەن وقۋ-ادىستەمەلىك جيىن ەكىنشى رەت وتكىزىلىپ وتىر, – دەدى اۋماقتىق قورعانىس دەپارتامەنتىنىڭ باستىعى – قارۋلى كۇشتەر باس شتابى باستىعىنىڭ ورىنباسارى, گەنەرال-مايور سەرىك بورامباەۆ. سونىمەن قاتار ولارعا العاش رەت جەرگىلىكتى اتقارۋشى ورگانداردىڭ وكىلدەرى دە قاتىسىپ وتىر.
جيىن بارىسىندا اۋماقتىق قورعانىس كۇشتەرى مەن قۇرالدارىن جوسپارلاۋ, ورىستەتۋ, ولاردىڭ ۇيلەسىمدىلىگى, ءوزارا ءىس-قيمىلى ماسەلەلەرى بويىنشا تەوريالىق دايىندىقتان باسقا اۋماقتىق قورعانىس بريگاداسىنىڭ اسكەري مىندەتتىلەرىمەن اسكەري جيىن بويىنشا پراكتيكالىق ساباقتارى دا جوسپارلانعان. جيىنعا قاتىسۋشىلاردىڭ كاسىبي دايارلىق دەڭگەيى, ونىڭ ىشىندە تەوريالىق ءبىلىمى سىناقتاردا جانە پراكتيكاسى وق اتۋ جاتتىعۋلارىندا تەكسەرىلدى. ءىس-شارا شەڭبەرىندە دوڭگەلەك ۇستەل وتىرىسى ءوتىپ, وندا «اۋماقتىق قورعانىس تۋرالى» زاڭنىڭ جوبالارى جانە ونى دامىتۋ جونىندەگى كەشەندى جوسپار قارالدى.
ءۇش كۇندىك وقۋ-ادىستەمەلىك جيىن اۋماقتىق قورعانىس جۇيەسىن ءارتۇرلى داعدارىستىق جاعداي تۋىنداعان كەزدە ورىستەتۋگە دايىنداۋ ساپاسىن ارتتىرۋعا باعىتتالعان. ءىس-شارا قاتىسۋشىلاردىڭ كوماندالارى اراسىنداعى دوستىق شاعىن فۋتبول ماتچىنان باستالدى. سونىمەن قاتار جيىن جۇمىسىنا سولتۇستىك قازاقستان وبلىسى اكىمىنىڭ ورىنباسارى ءساتجان ابلاليەۆ قاتىسقانىن ايتا كەتكەن ءجون.
