پرەمەر-ءمينيستردىڭ ءبىرىنشى ورىنباسارى رومان سكليار, استانا اكىمى جەڭىس قاسىمبەك, اقمولا وبلىسىنىڭ اكىمى ەرمەك مارجىقپاەۆ قالانىڭ شەكارا ماڭىنداعى اۋماعىن اۋەدەن ارالاپ شىقتى. ماڭايدى ۇشىپ ارالاۋ بارىسىندا مايبالىق كولىنىڭ, پرەوبراجەنسكي سۋ تورابىنىڭ جانە ت.ب. كولەمى ناقتىلاندى.
جاڭا اۋىز سۋ ستانتسياسىنىڭ (سسس-3) پايدالانۋعا بەرىلۋىن جانە سۋ تۇتىنۋ كولەمىنىڭ ۇلعايۋىن ەسكەرە وتىرىپ, قالاعا سۋ بۇرۋ كولەمى ۇلعايدى. تازارتۋ قۇرىلىسىنىڭ قۋاتى (كتق 1) جەتكىلىكسىز, سوندىقتان وسى جىلدىڭ كۇزىندە ەكىنشى كارىز تازارتۋ قۇرىلىسى (كتس 2) باستالادى. بۇل عيماراتتىڭ قۋاتى تاۋلىگىنە 200 مىڭ م3 قۇرايدى.
سونداي-اق ارالاۋ بارىسىندا «استانا-زەلەنستروي» جشس تالىمباعىنا باردى. ونىڭ اۋدانى 350 گەكتارعا جۋىق, وندا ءارتۇرلى اعاش تۇرلەرىنىڭ كوشەتتەرى وسىرىلەدى. تالىمباق جىل سايىن 30 مىڭ دانا كوشەت بەرە الادى. 2025 جىلدان باستاپ اعاش تۇقىمدارىنىڭ 100 مىڭ كوشەتىنە, جابىق تامىر جۇيەسى بار 45 مىڭ بۇتاعا جانە اشىق تامىر جۇيەسى بار 300 مىڭ بۇتاعا دەيىن كوبەيتىلەدى دەپ جوسپارلانىپ وتىر.
سونداي-اق جىل سايىن جاسىل بەلدەۋدەگى ەكپەلەر سانى ارتادى. مىسالى, بيىل تەك جاسىل بەلدەۋدە 500 مىڭعا جۋىق جاسىل جەلەك (اعاشتار, بۇتالار جانە ت.ب.) وتىرعىزۋ جوسپارلانىپ وتىر. تاعى سونداي كولەمى – قالانىڭ وزىندە. ەلوردانىڭ جاسىل بەلدەۋىنىڭ جالپى اۋدانى 15 مىڭ گەكتاردى قۇرايدى. 11,5 ميلليوننان استام اعاش پەن 2 ميلليون بۇتا وسەدى. قاتتى اعاش تۇرلەرىنە باسىمدىق بەرىلەدى.
