وقۋ-اعارتۋ مينيسترلىگىنىڭ مالىمەتىنشە, بۇگىندە ەلىمىزدە 848 لاگەر جۇمىس ىستەيدى, ونىڭ ىشىندە 118 – مەملەكەتتىك, 100 – جەكەمەنشىك, 630 – شاتىرلى.
سونداي-اق بيىلعى جىلدىڭ ماۋسىم ايىندا 10216 مەكتەپ جانىنداعى لاگەر جۇمىس ىستەدى.
«جازعى كەزەڭدى جانە بالالاردىڭ قۇقىقتارىنىڭ بۇزىلۋىن ەسكەرە وتىرىپ, باس پروكۋروردىڭ تاپسىرماسى بويىنشا اۋماقتىق پروكۋرورلار ۋاكىلەتتى ورگاندارمەن بىرلەسىپ مەملەكەتتىك, جەكە جانە شاتىرلى لاگەرلەردىڭ قىزمەتىن تەكسەرۋگە كىرىستى.
تەكسەرۋلەرمەن قاتار بالالاردىڭ تۇرۋىن, سانيتارلىق-ەپيدەميولوگيالىق نورمالاردىڭ ساقتالۋىن, ءورت قاۋىپسىزدىگىن, تاماقپەن جانە مەديتسينالىق كومەكپەن قامتاماسىز ەتۋ جاعدايىن قامتۋ جوسپارلاندى», دەپ حابارلادى باس پروكۋراتۋرا.
2023 جىلعا ارنالعان بالالاردىڭ جازعى دەمالىسىن ۇيىمداستىرۋ بويىنشا قىزمەتتەردى ساتىپ الۋ كەزىندە زاڭدىلىقتى ساقتاۋ ماسەلەلەرى زەرتتەلىپ جاتىر.
