پرەزيدەنت • 19 شىلدە, 2023

جاھاندىق ازىق-ت ۇلىك قاۋىپسىزدىگىن نىعايتۋ وتە ماڭىزدى - پرەزيدەنت

340 رەت

كورسەتىلدى

1 مين

وقۋ ءۇشىن

مەملەكەت باسشىسى «ورتالىق ازيا + شىعاناقتاعى اراب مەملەكەتتەرىنىڭ ىنتىماقتاستىق كەڭەسى» ءبىرىنشى ءسامميتى بارىسىندا ازىق-ت ۇلىك قاۋىپسىزدىگى ماسەلەسىن كوتەردى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.

گۇلشاحرا سانسىزباي

جاھاندىق ازىق-ت ۇلىك قاۋىپسىزدىگىن نىعايتۋ وتە ماڭىزدى - پرەزيدەنت

مەملەكەت باسشىسى قازاقستان اراب ەلدەرىنە اۋىل شارۋاشىلىعى تاۋارلارىن ەكسپورتتاۋ كولەمىن ۇلعايتۋعا مۇددەلى ەكەنىن ايتتى. پرەزيدەنتتىڭ ايتۋىنشا, قازاقستان – الەمدە بيداي مەن ۇن وندىرەتىن ەڭ ءىرى ون مەملەكەتتىڭ ءبىرى.

«اراب ارىپتەستەرىمىزدىڭ «ورگانيك» جانە «حالال» ونىمدەرىن ءوندىرۋ, وڭدەۋ جانە سەرتيفيكاتتاۋ تاجىريبەسى مەن مۇمكىندىگى مول. سوندىقتان ولارعا سۇرانىس جوعارى. وسى ورايدا ستاندارتتاردى, تەحنيكالىق رەتتەۋ جانە سەرتيفيكاتتاۋ جۇيەسىن ۇيلەستىرۋ ماڭىزدى.

بۇل باعىتتاعى جۇمىستى جالعاستىرۋ قاجەت دەپ سانايمىز. ازىق-ت ۇلىك قاۋىپسىزدىگى جونىندەگى يسلام ۇيىمىنىڭ الەۋەتىن پايدالانىپ, بۇل مىندەتتەردى ءتيىمدى ىسكە اسىرا الامىز», دەدى پرەزيدەنت.

سونىمەن قاتار مەملەكەت باسشىسى بەلسەندى جۇمىس جۇرگىزىپ جاتقان قاتار باسشىلىعىنا شىنايى ريزاشىلىعىن ءبىلدىردى.

«ۇيىمنىڭ قازىرگى توراعاسى رەتىندە بەلسەندى جۇمىس جۇرگىزىپ جاتقانى ءۇشىن قاتار باسشىلىعىنا شىنايى ريزاشىلىعىمدى بىلدىرەمىن. سونداي-اق ونىڭ قىزمەتىن جانداندىرۋعا ساۋد ارابياسىنىڭ زور ۇلەس قوسقانىن ايرىقشا اتاپ وتكىم كەلەدى.

جاھاندىق ازىق-ت ۇلىك قاۋىپسىزدىگىن نىعايتۋ وتە ماڭىزدى. وسى سالاداعى ىنتىماقتاستىقتى كەڭەيتۋ ءۇشىن اۋىل شارۋاشىلىعى مينيسترلەرىنىڭ كەزدەسۋ تەتىگىن قۇرۋدى ۇسىنامىن», دەپ ويىن تۇيىندەدى.