ول ەكىنشى رەت ميدىڭ ولىمىنە اكەپ سوقتىرعان يشەميالىق ينسۋلتقا شالدىققان. دونور الماتىداعى №4 اۋرۋحانادا قايتىس بولعان.
«تۋىستارى اعزاسىن الۋعا 13 شىلدەدە كەلىسىم بەرىپ, مارقۇمنىڭ جۇرەگى 23 جاسار جىگىتتىڭ ءومىرىن ساقتاپ قالدى. بۇعان دەيىن ەكى رەت وتا جاسالىنعان جاس جىگىتكە جالعىز جول - جۇرەك اۋىستىرۋ ەدى. ەندى وپەراتسيادان سوڭ پاتسيەنتتىڭ ساپالى جانە ۇزاق ءومىر سۇرۋىنە مۇمكىندىگى بار», دەيدى كارديوحيرۋرگيا بولىمشەسىنىڭ مەڭگەرۋشىسى رۇستەم تولەۋتاەۆ.
جۇرەك ترانتسپلانتاتسياسى جاسالعان وتا ۇلتتىق عىلىمي كارديوحيرۋرگيالىق ورتالىقپەن بىرلەسىپ, ەلىمىزدىڭ جەتەكشى كارديوحيرۋرگى يۋري پيانىڭ تىكەلەي باسشىلىعىمەن جاسالعان.
«العاش رەت الماتىدا جۇرەكتى الماستىرۋ وتاسى ۇلتتىق عىلىمي كارديوحيرۋرگيالىق ورتالىق ماماندارىنىڭ قولداۋى مەن كارديولوگيا جانە ىشكى اۋرۋلار عزي كومانداسىنىڭ ۇيلەسىمدى جۇمىسىنىڭ ارقاسىندا مۇمكىن بولدى», دەدى ول.
قازاق ۇلتتىق مەديتسينا ۋنيۆەرسيتەتىنىڭ رەكتورى مارات شورانوۆتىڭ ايتۋىنشا, قايتىس بولعان ايەلدىڭ جۇرەگىنەن باسقا باۋىرى مەن ەكى بۇيرەگى دە الىنىپ, كەزەكتە تۇرعان ناۋقاستارعا ترانسپلانتاتسيا جاسالعان, ياعني, مارقۇم ايەل ءتورت ادامنىڭ ءومىرىن امان الىپ قالدى.
