«قازىرگى ۋاقىتتا الماتى قالاسىنىڭ اكىمدىگى قوعامدىق كولىكتە قولما-قول اقشاسىز تولەۋ كەزىندە تاريفتەردى 100 تەڭگەگە دەيىن كوتەرۋگە قاتىستى قاۋلىلاردىڭ جوبالارىن ازىرلەپ جاتىر. وسىعان بايلانىستى تەمىر جول الەۋمەتتىك تاسىمالدارىنا دا 100 تەڭگە مولشەرىندە شەكتى تاريف بەلگىلەۋ ۇسىنىلادى», دەلىنگەن قالالىق موبيلدىلىك باسقارماسىنىڭ حابارلاماسىندا.
سونداي-اق اتالعان باعىتتىڭ اتاۋىن تۇزەتۋ جوسپارلانىپ وتىر. باعىت ەندى «قازىبەك بەك – الماتى 2 – قازىبەك بەك» دەپ اتالادى.
«ۇزىناعاش اۋىلىندا ورنالاسقان ستانتسيادا «قازىبەك بەك» اتاۋى پايدالانىلادى, بۇل الماتى قالاسى ءماسليحاتىنىڭ شەشىمىندە زاڭدى ناقتىلاۋدى تالاپ ەتەدى. سونداي-اق مارشرۋتتىڭ باعىتىن ناقتىلاۋ قاجەت, ويتكەنى ول 2022 جىلدان باستاپ «قازىبەك بەك» ستانتسياسىنان «الماتى 2» تەمىرجول ۆوكزالىنا قاراي جانە كەرى قاراي جۇرەدى», دەلىنگەن باسقارمانىڭ تۇسىندىرمە جازباسىندا.
قۇجات جوباسىن جاريا تالقىلاۋ مەرزىمى – 1 تامىزعا دەيىن.
