«قاراسورا – 2023» جەدەل-پروفيلاكتيكالىق ءىس-شاراسى اياسىندا تۇركىستان وبلىسى پوليتسيا دەپارتامەنتىنىڭ ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى ەسىرتكى ءوسىردى دەگەن كۇدىكپەن بۇرىن سوتتالعان ەكى اعايىندىنى انىقتادى.
جەدەل-ىزدەستىرۋ شارالارى بارىسىندا پوليتسەيلەر كۇدىكتىلەردىڭ ءبىرىنىڭ ۇيىنەن سوراعا ۇقساس قۇرامىندا ەسىرتكى زاتى بار وسىمدىكتىڭ 1300 ءتۇبىن انىقتاپ, تاركىلەدى.
ءارى قاراي جەدەل ۋاكىلدەر, ونىڭ ءىنىسىنىڭ ءۇيىن ءتىنتۋ كەزىندە ەسىرتكىگە ۇقساس 59 ءتۇپتى تاركىلەدى. ءتارتىپ ساقشىلارى تاركىلەنگەن زاتتاي دالەلدەمەلەردى ساراپتاماعا جىبەردى. قورىتىندىعا سايكەس, ايعاقتى زاتتار جالپى سالماعى 55 كەلىدەن استام سورا بولىپ شىقتى.
اتالعان فاكتىلەر قر قك-ءنىڭ 300-بابى 2-بولىگى (قۇرامىندا ەسىرتكى زاتتارى بار وسىرۋگە تىيىم سالىنعان وسىمدىكتەردى زاڭسىز ءوسىرۋ) بويىنشا تىركەلدى. قازىرگى ۋاقىتتا ەكى اعايىندىعا قاتىستى سوتقا دەيىنگى تەرگەۋ امالدارى جۇرگىزىلىپ, وقيعانىڭ تولىق ءمان-جايى انىقتالىپ جاتىر.
