بۇعان دەيىن ەلدەگى ەڭ ءىرى ءورت 34 جىل بۇرىن تىركەلىپ, 7,6 ميلليون گەكتار ورمان ورتەنىپ كەتكەن. كانادا ۇكىمەتى ازاماتتارعا بيىلعى رەكوردتىق ءورت ماۋسىمى ءالى اياقتالماعانىن ەسكەرتتى. جوعارى اۋا تەمپەراتۋراسى جازدىڭ سوڭىنا دەيىن ساقتالادى.
ءدال قازىر كانادادا 900-گە جۋىق ءورت تىركەلدى, سونىڭ سالدارىنان شامامەن 70 ميلليون ادام تۇتىننەن زارداپ شەگۋى مۇمكىن. كانادانىڭ باتىسىنداعى ورتتەن شىققان ءتۇتىن شىعىسقا قاراي اقش-تىڭ سولتۇستىگىنە ءوتىپ, الابامانىڭ وڭتۇستىگىنە جەتۋى ىقتيمال.
سولتۇستىك-باتىس ايماق بيلىگى 15 شىلدەدە بريتاندىق كولۋمبيامەن شەكارالاس فورت-ليارد ماڭىندا 10 گەكتار اۋماقتى الىپ جاتقان ءورتتى ءسوندىرۋ كەزىندە ءبىر ءورت ءسوندىرۋشى قازا تاپقانىن حابارلادى. شەنەۋنىكتەر ءورت ءسوندىرۋشىنىڭ اتى-ءجونى مەن ءولىم سەبەبىن جاريالامادى.
13 شىلدەدە 19 جاستاعى مەديتسينا ستۋدەنتى جانە ءورت ءسوندىرۋ بريگاداسىنىڭ مۇشەسى دەۆين گەيل رەۆەلستوك ايماعىندا 10 گەكتار اۋماقتاعى ءورت ءسوندىرۋ بويىنشا جۇمىس ىستەپ جرگەندە, ۇستىلەرىنە جانىپ جاتقان اعاش قۇلاپ, قايتىس بولدى.
«ەلدەگى ورتتەردىڭ اۋقىمىنا قاراماستان, ءورت ءسوندىرۋ بولىمدەرىندەگى ءولىم سالىستىرمالى تۇردە سيرەك كەزدەسەدى», دەپ جازدى The Guardian باسىلىمى.
