جارقىلداعان جاس ورەن

قازىلار القاسى 12 جاس­تاعى شەرحانعا كون­كۋرستىڭ ەكى كۇنىندە دە جوعارى باعا (70 بالل) بەرگەن. وسىلايشا, جاس تالانت جال­پى سانى 140 بالل جيناپ, ەڭ جوعارى نا­تيجەگە قول جەت­كىزدى.

ال ەكىنشى ورىن­­دى جەر­گىلىك­تى جاس ونەرپاز سو­فيا رۋس­­­تاموۆا (136 ۇپاي) السا, ءۇشىن­شى ورىندى ارمەنيالىق انايت گالستيان (133 ۇپاي) يە­لەن­دى. كون­كۋرسقا 8-14 جاس ارا­لى­عىن­داعى بار­لىعى 18 ەل­­دىڭ جاس ورىنداۋشىلارى قاتىستى.

بايقاۋدىڭ العاشقى كۇ­نىندە شەرحان ارىستان ان­درەا بوچەللي, دەۆيد فوستەر مەن ەمي فوستەردىڭ Ama, Credi e vai ء(«سۇي, سەن جانە قا­­دام جاسا») كومپوزيتسياسىن ورىندادى. ايتا كەتەيىك, ال­ماتى وبلىسىنىڭ تۋماسى بۇعان دەيىن دە بىرنەشە حا­لىقارالىق باي­قاۋدىڭ لاۋرەا­تى اتانعان.

سونداي-اق حالىقارالىق فەس­تيۆالدىڭ ەسترادالىق ءان ورىنداۋشىلار بايقاۋىندا باق سىناعان قۇرالاي مەي­رامبەك تە جۇلدەلى بولدى. ەكى كۇندىك بايقاۋ ناتيجەسىندە ار­مەنيالىق ونەرپاز ماشا مندجويان باس جۇلدە السا, ءبى­رىنشى ورىن بەلارۋس سامير ەلچيەۆكە بەرىلدى. ەكىنشى ورىندى رەسەيلىك ەليزاۆەتا سلىشكينا مەن يتاليالىق Agape ءبولىستى. ءۇشىنشى ورىندى قۇرالاي مەيرامبەك پەن وزبەكستاندىق ماليكا حا­كي­موۆا يەلەنگەن.

ونەر دوداسىندا قۇرالاي بەلارۋس حالقىنىڭ «رەچانكا» ءانىن شىرقاپ, 70 ۇپايدىڭ 69-ىن جيناعان ەدى. بايقاۋدىڭ ەكىنشى كۇنى «الەمدىك حيت» سا­يى­سىندا «Frozen 2» انيما­تسيالىق فيلمىندەگى «Into the unknown» ساۋندترەگىن ورىن­داپ, 63 ۇپاي الدى.

ايتا كەتەيىك, ەرەسەكتەر بايقاۋىنا الەمنىڭ 30 ەلىنەن ۇمىتكەر قاتىسادى. قازاق ورىن­داۋشىلار بۇعان دەيىن اتال­عان دودانىڭ بىرنەشە مار­تە جەڭىمپازى اتانعان ەدى. دي­­ماش قۇدايبەرگەن (2015 جىل) مەن رۋحيا بايدۇكەنوۆا (2021 جىل) گران-پري جەڭىپ السا, ءار جىل­دارى مارجان اراپ­­باەۆا, الى­شەر كارىموۆ, مار­حابا ءسا­بي جانە باسقا دا ونەر­پازدار جو­عارى ماراپاتقا قول جەتكىزدى.