قازاقستان تاراپىنان شارتقا ۇلتتىق سەكتسيانىڭ باس كوميسسارى داۋلەت ەركىمباەۆ, جاپونيا تاراپىنان قاۋىمداستىقتىڭ باس حاتشىسى حيرويۋكي يشيگە, EXPO-2025 Osaka دۇنيەجۇزىلىك كورمەسىنىڭ باس كوميسسارى كودجي حانەدا قول قويدى.
«جاپونيادا وتەتىن EXPO-2025 كورمەسىنە دايىندىقتى باستاپ كەتتىك. بارلىق ۇيىمداستىرۋشىلىق سۇراقتار مەن «ومىرلەردى قۇتقارۋ» تاقىرىپتىق كلاستەرىندە ورنالاساتىن پاۆيلونىمىزدى تولىق پىسىقتاپ جاتىرمىز. كورمەنىڭ باستالۋىنا ەكى جىل بار, بىراق ءىس جۇزىندە از ۋاقىت قالدى. كورمە 2025 جىلدىڭ 13 ساۋىرىندە اشىلىپ, 13 قازانىندا اياقتالادى. ۇيىمداستىرۋشىلاردىڭ بولجامى بويىنشا, كورمەگە الەمنىڭ 150 ەلىنەن 28 ميلليوننان استام ادام كەلۋى ءتيىس, سونداي-اق 25 حالىقارالىق ۇيىم وكىلدەرى قاتىسادى دەپ جوسپارلانىپ وتىر», دەپ اتاپ ءوتتى د.ەركىمباەۆ.
ايتا كەتسەك, EXPO-2025 وساكاداعى يۋمەشيما جاساندى ارالىندا وتەدى. ء«بىزدىڭ ءومىرىمىز ءۇشىن بولاشاق قوعامىن قۇرۋ» كورمەسىنىڭ تاقىرىبى ءۇش تاقىرىپشادان تۇرادى: «ومىرلەردى قۇتقارۋ», «قۇقىق مەن مۇمكىندىكتەردى كەڭەيتۋ» جانە «ومىرلەردى بىرىكتىرۋ». كورمەنىڭ جالپى اۋدانى شامامەن 155 گا قۇرايدى. قازاقستان پاۆيلونى يتاليا, نيدەرلاند, سينگاپۋر جانە بولگاريا پاۆيلوندارىمەن كورشىلەس ورنالاساتىن بولادى.
