ەلورداداعى تراۆماتولوگيا جانە ورتوپەديا ۇلتتىق عىلىمي-زەرتتەۋ ورتالىعىنىڭ ءباسپاسوز قىزمەتى زارداپ شەككەن ەكى ايەلدىڭ قازىرگى جاعدايى تۋرالى اقپارات بەردى.
«ناۋقاستاردىڭ جاعدايى اۋىر. رەسمي جاۋاپ ەكى كۇن ىشىندە بەرىلۋى مۇمكىن, ويتكەنى ءبىر ناۋقاس ءالى دە جانساقتاۋ بولىمىندە جاتىر», دەپ جاۋاپ بەردى ءباسپاسوز قىزمەتى.
ايتا كەتەيىك, كەشە, 16 شىلدە كۇنى «الجير» مۋزەيىندە ليفت قۇلاپ, ەكى ايەل جاراقات الدى. اقمولا وبلىسىنىڭ پوليتسيا دەپارتامەنتى ۇسىنعان اقپاراتقا قاراعاندا, 1940 جىلعى ەلوردا تۇرعىنى مەن 1969 جىلعى اقمول اۋىلى تۇرعىنىنىڭ ءتۇرلى دەنە مۇشەسى سىنعان. بەلگىلى بولعانداي, ولار «الجير» مۋزەيىن ارالاپ ءجۇرىپ, كەنەتتەن ليفت قۇلاعان كەزدە اۋىر جاراقات العان.
«تسەلينوگراد اۋدانى اقمول اۋىلى «الجير» مۋزەيىندە ءليفتتىڭ قۇلاۋ فاكتىسى بويىنشا قر قك 306-بابى 2-ءبولىمى 2-تارماعى «قاۋiپسiزدiك تالاپتارىنا ساي كەلمەيتىن تاۋارلاردى شىعارۋ نەمەسە ساتۋ, جۇمىستاردى ورىنداۋ نە قىزمەتتەر كورسەتۋ» بويىنشا سوتقا دەيىنگى تەرگەۋ جۇمىستارى باستالدى», دەپ حابارلادى اقمولا وبلىستىق پد ءباسپاسوز قىزمەتى.
