ۇكىمەتتە نەگىزگى ازىق ت ۇلىك باعاسىن تۇراقتاندىرۋ جانە وتاندىق قانت وندىرۋشىلەردى قولداۋ شارالارى تالقىلاندى.
وتاندىق وندىرۋشىلەردىڭ وتىنىشتەرىن نازارعا الا وتىرىپ, ساۋدا كوميتەتىنىڭ توراعاسى ايدار ابىلدابەكوۆ قازىر نارىقتىڭ قانىعۋى ارزان رەسەيلىك ءونىم ەسەبىنەن جۇرەتىنىن, ال وتاندىق وندىرۋشىلەردىڭ قانتتارى سۇرانىستىڭ تومەن بولۋىنا بايلانىستى زاۋىتتاردىڭ قويمالارىندا ەكەنىن اتاپ ءوتتى. قازاقستاندىق وندىرۋشىلەردى قولداۋ ءۇشىن قانتقا ەڭ تومەنگى كوتەرمە باعانى ەنگىزۋ ماسەلەسى بىرنەشە رەت قارالدى. الايدا بۇل شەشىم جازعى ماۋسىم اياقتالعانعا دەيىن كەيىنگە قالدىرىلدى.
«بۇرىن باعانى تۇراقتاندىرۋدىڭ جاڭا تاسىلدەرىن ىسكە اسىرۋ اياسىندا وڭىرلىك اكك اينالىم سحەمالارى بويىنشا قانت زاۋىتتارىنا شيكىزات ساتىپ الۋعا 14,3 ملرد تەڭگە باعىتتاعان ەدى. وتاندىق قانت زاۋىتتارىن قولداۋ ءۇشىن قوسىمشا 9 ملرد تەڭگە اينالىم قاراجاتىن جىبەرە وتىرىپ, اينالىم سحەماسى بويىنشا قارجىلاندىرۋدى قايتا ىسكە قوسۋدى ۇسىنامىز. بۇدان باسقا, بۇرىن جاسالعان شارتتاردى 1,5 جىلعا ۇزارتۋ ورىندى دەپ سانايمىز», ا.ابىلدابەكوۆ ۇسىنىستارىن ايتتى.
باعانى تۇراقتاندىرۋ تەتىكتەرىن ىسكە اسىرۋدىڭ ۇلگىلىك قاعيدالارى شەڭبەرىندە وڭىرلەردى فورۆاردتىق قارجىلاندىرۋ بويىنشا جۇمىس بارىسى تۋرالى اۋىل شارۋاشىلىعى ۆيتسە-ءمينيسترى ەربول تاسجۇرەكوۆ حابارلادى. ەرەجەگە سايكەس, ايماقتار اقپان ايىندا كۇزگى ەگىننەن كوكونىس ساتىپ الۋدى فورۆاردتىق قارجىلاندىرۋدى باستاۋى كەرەك ەدى. كەيبىر ايماقتاردا بۇل جۇمىس ءالى اياقتالعان جوق.
«وڭىرلەرگە اۋىل شارۋاشىلىعى تاۋارىن وندىرۋشىلەر مەن قايتا وڭدەۋ كاسىپورىندارىنا قارجىلاندىرۋدىڭ 70% ءبولۋ جونىندەگى تالاپتاردى ساقتاۋ وتە ماڭىزدى. ءبىز ۇلگىلىك قاعيدالار شەڭبەرىندە كەلىسىمشارت تالاپتارىن ساقتاۋ بويىنشا باقىلاۋدى كۇشەيتەتىن بولامىز. تالاپتار ساقتالماعان وڭىرلەر بويىنشا ءتيىستى ۇسىنىستار ەنگىزىلەتىن بولادى», دەدى اۋىل شارۋاشىلىعى ۆيتسە-ءمينيسترى.
ەربول تاسجۇرەكوۆ حابارلاعانداي, ەلىمىزدە پياز بەن ءسابىز بويىنشا ۇسىنىلاتىن قور كولەمى قالىپتاسقان. كارتوپ پەن قىرىققابات بويىنشا بۇل جۇمىس ءالى دە جالعاسىپ جاتىر. 5 وڭىردە كارتوپتى كونتراكتاتسيالاۋ كولەمى ۇسىنىلعان كولەمنەن تومەن. بۇل اتىراۋ وبلىسى (55%), اباي وبلىسى (65%), ۇلىتاۋ وبلىسى (74%), الماتى وبلىسى (79%) جانە اقمولا وبلىسى (92%).
اۋىل شارۋاشىلىعى ۆيتسە-ءمينيسترى اكىمدىكتەر مەن اكك-ءنىڭ قىرىققابات بويىنشا كەلىسىمشارت جاساۋ جونىندەگى ءالسىز جۇمىسىن اتاپ ءوتتى. ماسەلەن, 10 وڭىردە كەلىسىمشارتتاردىڭ كولەمى ۇسىنىلاتىن قاجەتتىلىك كولەمىنەن تومەن. ونىڭ ىشىندە ۇشەۋىندە قورلار 50%-دان از قالىپتاستى. بۇل ۇلىتاۋ (30%), الماتى (45%) وبلىستارى مەن استانا (49%) قالاسى. قامتاماسىز ەتۋ مونيتورينگى كورسەتكەندەي, 8 وڭىردە ۇن بويىنشا ءىس جۇزىندە كەلىسىمشارتتار جوق نەمەسە اۋىل شارۋاشىلىعى مينيسترلىگى ۇسىنعان كولەمنىڭ 50%-نان اسپايدى. اقتوبە وبلىسىندا كۇنباعىس مايى مەن كۇرىش بويىنشا كەلىسىمشارتتار جوق.
«بارلىق وڭىرلەرگە جاعدايدى تۇزەتۋگە ۋاقىت بەرەمىن. جاز ءبىز ءۇشىن الداعى ۋاقىتتا باعانى تۇراقتاندىرۋعا قور جيناۋدىڭ جالعىز ۋاقىتى. ءبىر اپتا ىشىندە الەۋمەتتىك ازىق-ت ۇلىك تاۋارلارى باعاسىنىڭ يندەكسى نولدىك پايىزدى قۇرادى, دەگەنمەن ۋاقىتىلى جۇمىس ىستەگەن كەزدە دەفلياتسيا بولۋى كەرەك ەدى. قىزىلورداداعى كۇرىش جارمەڭكەسىنىڭ قورىتىندىسى بويىنشا كۇرىشتى ساتىپ الۋعا مەموراندۋمداردى تەك 8 ءوڭىردىڭ اكىمدىكتەرى جاسادى. ولار 1,4 مىڭ توننا كۇرىشكە كەلىسىمشارت جاسادى, ال ەل بويىنشا شامامەن 21 مىڭ توننا قاجەت. بارلىق وڭىرلەر بۇگىن كەڭەستە بەلگىلەنگەن بارلىق مىندەتتەردىڭ ورىندالۋىن قامتاماسىز ەتۋى قاجەت», دەپ قورىتىندىلادى ۆيتسە-پرەمەر سەرىك جۇمانعارين.
