قر تەننيس فەدەراتسياسىنىڭ ءباسپاسوز قىزمەتى ءمالىم ەتكەندەي, وتانداسىمىز بەلارۋس تەننيسشىسى يۋليا گوتوۆكومەن بىرگە كولۋمبيالىقتار دجۋليانا ليساراسو مەن ماريا پاۋلينا پەرەس گارسياعا قارسى ويىن وتكىزىپ, ولاردى 6:4, 6:4 ەسەبىمەن تىزە بۇكتىردى.
جىبەك ەندى جۇپتىق سىن بويىنشا ITF-ءتىڭ 22 تيتۋلىنا يە. بۇعان دەيىن ول W15 جانە W25 ساناتىنداعى تۋرنيرلەردە جەڭىسكە جەتسە, بۇگىندە W60 سەرياسىندا العاش رەت جەڭىسكە قول جەتكىزىپ جاتىر. ريمدەگى جەتىستىگىنىڭ ارقاسىندا قۇلامباەۆا جۇپتىق سىندا WTA-نىڭ جاڭارتىلعان الەمدىك رەيتينگىندە ءوزى ءۇشىن رەكوردتىق دەڭگەيگە كوتەرىلىپ, 174-ءشى ورىنعا جايعاستى.
ەستەرىڭىزگە سالا كەتەيىك, ءساۋىر ايىنىڭ باسىندا قۇلامباەۆا تۇركياداعى تەننيس ءتۋرنيرىنىڭ ءابسوليۋتتى چەمپيونى اتانعان ەدى.
