ونجىلدىق اسۋ

– ءبىزدىڭ تەاترىمىز – ەل ونە­رىنىڭ دامۋىنا زور ۇلەسىن قوسىپ جۇرگەن دارىندى ارتىستەردىڭ, حورەوگرافتاردىڭ, ۇستازداردىڭ كوركەم ويلارى مەن ارمان-مۇراتىن ىسكە اسىراتىن كيە­لى ونەر ورداسى. ماقساتىمىز – كورەر­مەندەر سەنىمىن اقتايتىن باع­دارلاما ۇسىنۋ. مۇندا ونەر­گە دەگەن قۇشتارلىعىمىز, ما­حاب­باتىمىز كورىنىس تاۋىپ, ارتىستەردىڭ تالانتىنا كۋا بولا الاسىز. ءبىز تەاتردى جاق­سى كورەتىن جۇرتشىلىقتىڭ كوڭى­لىنەن شىعۋ ءۇشىن ءار دەتالگە مۇقيات نازار اۋدارامىز,– دەيدى تەاتر ديرەكتورى الەكساندر سوۆوستيانوۆ.

مەرەكەلىك كونتسەرتتە تەاتر­دىڭ تالانتتى ارتىستەرى «كور­سار», «سپارتاك», «كارمەن-سيۋيتا», «ماحاببات تۋرالى اڭىز», تاعى باس­قا دا كلاسسيكالىق جانە نەو­كلاس­­سيكالىق سپەكتاكل­دە­رىنەن, برازيليالىق حورەوگراف ريكاردو امارانتەنىڭ «Diversity», «Love Fear Loss», «A Fuego Lento» تۋىندىلارىنان, اۆتورلىق جانە ۇلتتىق بالەتتەردەن ۇزىندىلەر كورسەتتى. بۇلاردى تەاتر قازىناسىن بايى­تىپ, ابىرويىن اسىرعان قويىلىمدار دەپ ايتۋعا بولادى. سونداي-اق «شىعىس راپسودياسى» جانە « ۇلى دالا مۇراسى» كونتسەرتتىك باعدارلاماسىنا ەنگەن حورەوگرافيالىق مينيا­تيۋرالار كورەرمەندەردى كەرەمەت اسەرگە بولەدى. ماەسترو ارمان ورازعاليەۆتىڭ جەتەك­­­شىلىگىندەگى تەاتردىڭ سيم­­فو­­نيالىق وركەسترىنىڭ ورىن­دا­ۋىنداعى كومپوزيتسيا­­­لار تىڭ­دارمان جۇرەگىن تول­قىت­تى.

«تەاترىمىزدىڭ تاريحى – سوڭعى ون جىلداعى وتاندىق حو­رەوگرافيا ونەرىنىڭ دامۋ جىل­ناماسى. بۇگىنگى كەشتەگى باعدارلامانىڭ ماڭىزى وتە زور. سەبەبى بۇل ءبىزدىڭ بىرە­گەي شى­عارماشىلىعىمىز­دىڭ ۇل­­­گى­­سى ىسپەتتى. وسى ون جىل ىشىندە ساح­نالانعان ۇزدىك تۋىن­دىلارىمىزدان ۇزىندى­­­لەر كورسە­تىپ, كورەرمەنگە ۇمىتىل­ماس ­ەموتسيا سىيلاۋدى ماقسات ەتتىك», دەيدى حورەوگراف ايگۇل ءتاتي.

شىنىندا دا, ونجىلدىق اسۋدى جەمىستى باعىندىرعان بالەت تەاترىندا وتكەن عاجايىپ كەش – ورىنداۋشىلىق تەحنيكا مەن مۋزىكا ۇيلەسىم تاپقان شىنايى ونەر تۋىندىسىنا اينالدى.