زىمىران تاسىعىش ىسكە قوسىلىپ, كوككە كوتەرىلە باستاعان ساتتە جارىلعان.
ءمالىم بولعانداي, اتالعان سىناقتى وتكىزگەن «Noshiro Testing Center» قىزمەتكەرلەرىنىڭ ەشقايسىسى زارداپ شەكپەگەن.
«Epsilon S» - بۇل JAXA ازىرلەگەن عارىش-سپۋتنيكتىك «Epsilon» زىمىرانىنىڭ جەتىلدىرىلگەن نۇسقاسى.
وسى تيپتەگى العاشقى راكەتا 2013 جىلى ۇشىرىلعان ەدى. بىلتىر كوككە كوتەرىلگەن «Epsilon-6» جوسپارلانعان تراەكتوريادان اۋىتقىپ, كەيىن ول جاساندى جارىلىس ارقىلى جويىلعان.
جاپونيانىڭ اەروعارىشتىق زەرتتەۋلەر اگەنتتىگى «Epsilon S» زىمىرانىن ۇشىرۋدى كەلەر جىلعا شەگەردى. ويتكەنى وندا دا Epsilon-6 سياقتى جانارماي باگى قولدانىلادى.
نەگىزىنەن «Epsilon» سەريالى زىمىراندارى قاتتى وتىندى پايدالانادى. سوندىقتان ونىڭ سۇيىق وتىنمەن جۇمىس ىستەيتىن راكەتالارعا قاراعاندا ۇشۋعا دايىندالۋ پروتسەسى كۇردەلى ەمەس.
