«كەڭەس» الەۋمەتتىك بەيىمدەۋ جانە ەڭبەكتى وڭالتۋ جوباسى 2023 جىلدىڭ كوكتەمىنەن باستاپ, پارتيانىڭ سايلاۋالدى باعدارلاماسىن ىسكە اسىرۋ جونىندەگى جول كارتاسى شەڭبەرىندە اشىلدى.
«كەڭەس» ورتالىعى دامۋ پاتولوگياسى بار جانە 3 جاسقا دەيىنگى قاۋىپ-قاتەر توبىنداعى بالالارعا, سونداي-اق 3 جاستان 7 جاسقا دەيىنگى دامۋىندا كىدىرىسى بار بالالارعا باعىتتالعان كەشەندى سيپاتتاعى قىزمەتتەر كورسەتەدى. جوبانىڭ اشىلۋىنان باستاپ 140 بالا (0-دەن 3 جاسقا دەيىن) كەشەندى پسيحولوگيالىق-تۇزەتۋ قىزمەتتەرىمەن قامتىلدى جانە 400-دەن استام فرونتالدى جانە جەكە سيپاتتاعى ساباقتار ءوتتى.
ء«بىزدىڭ ورتالىقتىڭ باستى مىندەتى قوعامدا ەرەكشە بالالار ءۇشىن جاعىمدى احۋال قالىپتاستىرۋ جانە ولاردى تاربيەلەۋ مەن وقىتۋدا كەشەندى ءتاسىلدى قامتاماسىز ەتۋ بولىپ تابىلادى. بۇدان باسقا, ءبىز قول جەتىمدى باعدارلامانى يگەرە الاتىن بالالارعا بولاشاقتا ارنايى مەكتەپتەردە وقۋعا مۇمكىندىك بەرەمىز, بۇعان دەيىن ارنايى دايىندىقسىز مۇمكىن بولمادى», دەدى ورتالىقتىڭ باس ديرەكتورى مايرا سۇلەەۆا.
كەزدەسۋ بارىسىندا دەپۋتاتتار ورتالىقتىڭ جۇمىسىمەن تانىسىپ, بالالاردىڭ اتا-انالارىمەن جانە ماماندارمەن سويلەستى, سونداي-اق ەرەكشە بالالارمەن ساباقتارعا قاتىستى. ولار ەرتە ارالاسۋ سالاسىنداعى مامانداردىڭ بالالارعا كەدەرگىلەردى جەڭۋگە جانە تولىققاندى دامۋعا قالاي كومەكتەسەتىنىن كوردى.
«دامۋ پاتولوگياسى بار بالالاردى جانە قاۋىپ-قاتەر توبىنداعى بالالاردى قولداۋدىڭ ءتيىمدى جۇيەسىن قۇرۋ ءۇشىن ءۇش مينيسترلىكتىڭ ياعني, دەنساۋلىق ساقتاۋ, ءبىلىم مينيسترلىگىنىڭ جانە ەڭبەك جانە حالىقتى الەۋمەتتىك قورعاۋ مينيسترلىگىنىڭ تىكەلەي ءوزارا ءىس-قيمىلى قاجەت. بۇل اسپەكتىنى ءبىز «كەڭەس» ورتالىعى بۇكىل رەسپۋبليكاعا ۇلگى بولسىن دەپ جول كارتاسىنا ەنگىزەتىن بولامىز, وندا ماماندار العان تاجىريبەسىن قازاقستان بويىنشا تاراتۋ ءۇشىن وقىتۋدان وتە الادى», دەدى ءماجىلىس دەپۋتاتى سەرگەي پونومارەۆ.
سونىمەن قاتار دەپۋتاتتار ەرەكشە قاجەتتىلىكتەرى بار بالالاردى دامىتۋعا باعىتتالعان الەۋمەتتىك جوبالارعا مەملەكەتتىك قولداۋ مەن ينۆەستيتسيالاردىڭ ماڭىزدىلىعىنا توقتالدى.
ء«بىز ەرەكشە بالالارمەن جۇمىس ىستەۋگە بايلانىستى ماماندىقتار بويىنشا گرانتتاردى ۇلعايتۋعا قول جەتكىزۋىمىز كەرەك جانە وسى سالادا ءبىلىمنىڭ قولجەتىمدىلىگىن قامتاماسىز ەتۋىمىز كەرەك. سونىمەن قاتار ءبىزدىڭ قولداۋ جۇيەمىزدى نىعايتۋ بالالاردىڭ دامۋىنا مامانداندىرىلعان پسيحولوگتاردىڭ سانىن كوبەيتۋدى تالاپ ەتەدى. تەك وسىلاي عانا ءبىز ءار بالانىڭ تولىققاندى دامۋىن قامتاماسىز ەتە الامىز جانە ەشكىم شەتتە قالمايتىن ينكليۋزيۆتى قوعام قۇرا الامىز», دەدى ايدوس سارىم.
