وندا 150 ورىنعا ارنالعان قوسىمشا مەكتەپتىڭ قۇرىلىسىن جۇرگىزىپ جاتقان مەردىگەرمەن جانە تاپسىرىس بەرۋشىمەن وبەكتىلەردى سالۋ پروتسەسىندە تۋىندايتىن پروبلەمالىق ماسەلەلەر تالقىلاندى.
اتالعان نىسان 2022 جىلدىڭ مامىر ايىندا باستالعان ەدى, الايدا قارجىنىڭ جەتىسپەۋشىلىگىنە بايلانىستى قۇرىلىس توقتاپ, بيىلعى جىلدىڭ ناۋرىز ايىندا قارجىسى ءبولىنىپ, قازىرگى تاڭدا قۇرىلىس جۇمىستارى قارقىندى جۇرگىزىلىپ جاتىر.
ساپار بارىسىندا دەپۋتات قۇرىلىسى ءجۇرىپ جاتقان ساراپحانا اۋىل وكرۋگى, مايلىوشاق ەلدى مەكەنىنەن 200 ورىندىق ا.بايتۇرسىنوۆ اتىنداعى جالپى ورتا مەكتەبىنە باردى. ءبىلىم وشاعىنىڭ قۇرىلىسىن «ومىرزاق» جشس جۇرگىزۋدە. قۇرىلىس 2021 جىلى باستالعان. وسى جىلدىڭ جەلتوقسان ايىنا دەيىن اياقتالۋى ءتيىس.
ءماجىلىس دەپۋتاتى قوس نىساندى ارالاۋ بارىسىندا قۇرىلىستىڭ بىرقاتار اتقارىلۋى ءتيىس جۇمىستارىنا نازار اۋداردى.
«مەكتەپ قۇرىلىسىن جوسپار بويىنشا وسى جىلدان كەشىكتىرمەۋ كەرەك. بۇل نىسان پارتيا تاراپىنان قازىر تولىق باقىلاۋدا. ءبىزدىڭ سايلاۋالدى باعدارلامامىزدا ءدال وسى نىسانداردى ەنگىزىپ قويعان. ءبىزدىڭ قازىر وسىندا كەلۋ ماقساتىمىز جۇمىستاردى ءوز كوزىمىزبەن كورىپ, باقىلاۋعا الۋ», دەدى ەرلان ابديەۆ.
سونداي-اق قۇرىلىس ساپاسىنا دا باسا ءمان بەرۋ كەرەكتىگىن ايتقان دەپۋتات وبلىستىق قۇرىلىس باسقارماسىنا جۇمىستاردى قاداعالاۋعا الۋدى قاتاڭ تۇردە تاپسىردى.
