The Times Higher Education Young University Rankings 2023 رەيتينگىسى قۇرىلعانىنا 50 جىل تولماعان الەم ۋنيۆەرسيتەتتەرى اراسىندا جۇرگىزىلەدى. بيىل وعان 605 جوعارى وقۋ ورنى قاتىسقان. بۇل ەكى جىل بۇرىنعى كورسەتكىشپەن سالىستىرعاندا 130 ۋنيۆەرسيتەتكە كوپ.
رەيتينگ ءادىسناماسىنا سايكەس جوعارى وقۋ ورىندارى دايەكسوزدىلىك, يندۋستريالاندىرۋدان تۇسكەن تابىس, ينتەرناتسيونالداندىرۋ, زەرتتەۋ قىزمەتى جانە ءبىلىم بەرۋ قىزمەتى بەس كورسەتكىش بويىنشا باعالاندى.
رەيتينگ قورىتىندىسى بويىنشا ۇزدىك ۇشتىككە سينگاپۋرداعى نانيان تەحنولوگيالىق ۋنيۆەرسيتەتى, گونكونگ عىلىم ۋنيۆەرسيتەتى جانە پاريج عىلىم جانە ادەبيەتتى زەرتتەۋ ۋنيۆەرسيتەتى كىردى.
ايتا كەتەيىك, ەۋرازيا ۇلتتىق ۋنيۆەرسيتەتى The Young University Rankings رەيتينگىنە 2019 جىلى العاش رەت ەنگەن.
