«بۇل زاڭنىڭ ماقساتى نەدە, نە ءۇشىن كەرەك دەگەن سۇراقتاردى ەستيمىن. بۇگىنگى تاڭدا قولدانىستاعى زاڭناما زاڭسىز م ۇلىكتى قىلمىستىق پروتسەستىك جانە اكىمشىلىك پروتسەستىك تارتىپپەن عانا قايتارۋعا مۇمكىندىك بەرەدى. بۇل ۇزاق ۋاقىت الادى, جانە ناتيجەلى بولا بەرمەيدى. ال وسى زاڭ ارقىلى ءبىز زاڭسىز ساتىپ الىنعان اكتيۆتەردى قايتارۋ بويىنشا جاڭا قۇرالدار جيناعىن الامىز. ياعني حالىقارالىق تاجىريبەگە ساي اكتيۆتەردى ازاماتتىق تارتىپپەن ەرىكتى نەمەسە ماجبۇرلەپ قايتارۋعا نەگىزدەلگەن جاڭا راسىمدەر پايدا بولدى», دەپ جازدى ماكسيم روجين Facebook جەلىسىندە.
ونىڭ جازۋىنشا, اتالمىش زاڭدى ازىرلەۋ كەزىندە ۇلىبريتانيا, اقش, گەرمانيا, كانادا, اۆستراليا جانە باسقا ەلدەردىڭ قىلمىستىق ءىس جۇرگىزۋدەن تىس, ياعني ازاماتتىق سوت ءىسىن جۇرگىزۋ شەڭبەرىندە ازاماتتىق تاركىلەۋ ارقىلى م ۇلىكتى تاركىلەۋ تەتىكتەرىن قولداناتىن تاجىريبەسى زەرتتەلدى.
«اكتيۆتەردى قايتارۋ بارىسىندا اشىقتىق بولادى ما دەگەن سۇراق كوپشىلىكتىڭ كوكەيىندە ءجۇر. ونىڭ اشىق بولۋىن قامتاماسىز ەتۋ ماقساتىندا تۇراقتى نەگىزدە جۇمىس ىستەيتىن كوميسسيا قۇرىلادى. كوميسسيانىڭ نەگىزگى فۋنكتسياسى - زاڭسىز الىنعان اكتيۆتەردى قايتارۋ بويىنشا ۇسىنىستار ازىرلەۋ. بۇل ۇسىنىستاردى ۋاكىلەتتى ورگان قاراۋعا مىندەتتى.
ەگەر ناقتى ءبىر ادامنىڭ اكتيۆتەرىنىڭ زاڭدىلىعىنا كۇمان تۋسا, كوميسسيانىڭ ۇسىنىسى بويىنشا ۋاكىلەتتى ورگان مۇنداي ادامدى تىزىلىمگە ەنگىزۋى مۇمكىن. تىزىلىمدە سۋبەكتىلەر جانە ولاردىڭ ۇلەستەس ادامدارى تۋرالى مالىمەتتەر بولادى.
ازاماتتىق تاركىلەۋ جونىندەگى بارلىق نەگىزگى شەشىمدەر كوميسسيا ارقىلى وتەدى.اكتيۆتەردى تاركىلەۋ تەك سوت شەشىمى بويىنشا عانا جۇزەگە اسىرىلادى. ادامدار ازاماتتىق سوت ءىسىن جۇرگىزۋ شەڭبەرىندە شەشىمدەرگە شاعىمدانا الادى.
وسىلايشا, اكتيۆتەردى قايتارۋعا قويىلاتىن حالىقارالىق ستاندارتتاردىڭ تالاپتارى قاراپايىم: ءبارى زاڭعا نەگىزدەلۋى ءتيىس, ءتيىستى پروتسەسس بولۋى كەرەك, سوت تاراپىنان باقىلاۋ بولۋعا ءتيىس جانە قوعام ءۇشىن اشىق بولۋعا ءتيىس», دەپ جازدى ماكسيم روجين
