قالالىق پوليتسيا دەپارتامەنتىنىڭ ءباسپاسوز قىزمەتى حابارلاعانداي, پوليتسيا ۇساق قۇقىق بۇزۋشىلىقتارعا «مۇلدەم توزبەۋشىلىك» ورناتۋ بويىنشا جۇمىس ىستەپ جاتىر.
ء«بىز بۇل سالاعا ەرەكشە ءمان بەرەمىز, ويتكەنى قوقىس تاستاۋ, جول قوزعالىسى ەرەجەلەرىن بۇزۋ جانە باسقا دا زاڭسىز كورىنىستەر بولسىن, ۇساق قۇقىق بۇزۋشىلىقتار ءۇشىن جازالانباۋ ازاماتتاردىڭ بولاشاقتا اسا اۋىر ارەكەت نەمەسە قىلمىس جاساۋىنا اكەلەدى», دەپ ءتۇسىندىردى الماتى قالاسى پوليتسيا دەپارتامەنتىنىڭ جەرگىلىكتى پوليتسيا قىزمەتى باستىعىنىڭ ورىنباسارى دياس دۋانبەكوۆ.
الماتى پوليتسياسى قر اقبتك-ءنىڭ 434-2 بابىنا سايكەس قوعامدىق ورىنداردى لاستاۋ بويىنشا 5 اەك (17 250 تەڭگە) كولەمىندە ايىپپۇل سالىنىپ, جاۋاپكەرشىلىككە تارتىلاتىنىن ەسكە سالدى. الماتىدا جىل باسىنان بەرى اتالعان اكىمشىلىك باپ بويىنشا 5370 قۇقىق بۇزۋشىلىق انىقتالىپ, ايىپپۇلدىڭ جالپى سوماسى 91 ميلليون تەڭگەدەن استى.
