«قۇرمەتتى دوستار, بۇگىن مەنىڭ سۇيىكتى اتام ومىردەن وزدى», دەپ جازدى نەمەرەسى ناۋرىز بايزاقوۆ Facebook پاراقشاسىندا.
ەكونوميكا عىلىمىنىڭ دوكتورى, پروفەسسور, حالىقارالىق اقپارات جانە حالىقارالىق مەنەدجمەنت اكادەميالارىنىڭ اكادەميگى سايلاۋ بايزاقوۆ 1937 جىلى قوستاناي وبلىسىنىڭ جانگەلدين اۋدانىندا دۇنيەگە كەلگەن.
ول ەكونوميكالىق زەرتتەۋلەر ينستيتۋتىنىڭ كومپيۋتەرلىك باعدارلامالىق قامتاماسىز ەتۋ ءبولىمىنىڭ مەڭگەرۋشىسى, ەكونوميكالىق زەرتتەۋلەر ينستيتۋتى ديرەكتورىنىڭ ورىنباسارى, مەنەدجمەنت عىلىمي-زەرتتەۋ ينستيتۋتىنىڭ ديرەكتورى, قر باعالى قاعازدار جونىندەگى ۇلتتىق كوميسسياسى جوعارعى كەڭەسىنىڭ باس ساراپشىسى, قر ۇكىمەتىنىڭ جانىنداعى مەملەكەتتىك قىزمەتشىلەردىڭ بىلىكتىلىگىن ارتتىرۋ ينستيتۋتىنىڭ ديرەكتورى, Tacis EDKZ 9602 جوباسىنىڭ جەرگىلىكتى كەڭەسشىلەرىنىڭ جەتەكشىسى, كليماتتىڭ وزگەرۋىن ۇيلەستىرۋ ورتالىعىنىڭ ماكروەكونوميكالىق توبىنىڭ جەتەكشىسى, «ەكونوميكالىق زەرتتەۋلەر ينستيتۋتى» اق عىلىم جونىندەگى ۆيتسە-پرەزيدەنتى, ديرەكتورى, «ەكونوميكالىق زەرتتەۋلەر ينستيتۋتى» اق ورتالىعىنىڭ عىلىمي جەتەكشىسى – ديرەكتورى قىزمەتتەرىن اتقارعان.
عالىمنىڭ ارتىندا 200-دەن استام عىلىمي ەڭبەگى قالدى.
