وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتىنىڭ ءمالى ەتكەندەي, «اقجايىق» تابيعي رەزەرۆاتىندا بولعان ءىرى قامىس ءورتىن جويۋ جۇمىستارى جالعاسىپ جاتىر. قازىر ءورت سوندىرۋشىلەر جانىپ جاتقان قامىستىڭ 80 پايىزىن ءسوندىردى. وبلىس اكىمى سەرىك شاپكەنوۆ تىكۇشاقپەن قورىق اۋماعىن اينالىپ ءوتىپ, ورتتەن زارداپ شەككەن اۋماقتاردى ارالادى.
«جالىن 830 گەكتارعا تارادى. جەر بەدەرى باتپاقتى بولعاندىقتان ونى ءسوندىرۋ قيىنعا سوعىپ تۇر. اۋەدەن ۆيزۋالدى بارلاۋدىڭ قورىتىندىسى بويىنشا اشىق ورتتەر تابىلعان جوق. كەي جەرلەردە قامىس جانىپ تۇر. ءورت ءسوندىرۋ جۇمىستارى قارقىن الىپ جاتىر», دەلىنگەن حابارلامادا.
9 شىلدە كۇنى ساعات 15:20-داعى جاعداي بويىنشا «قازاۆياسپا» تىكۇشاعى ءورت اۋماعىنا 36 رەت سۋ قۇيعان. ءورتتى سوندىرۋگە بارلىعى 204 توننا سۋ جۇمسالدى. جالىندى سوندىرۋگە 97 ادام مەن 15 تەحنيكا جۇمىلدىرىلدى.
سونداي-اق ورتپەن كۇرەسۋ ءۇشىن رەسپۋبليكالىق بيۋدجەتتەن «اقجايىق» تابيعي جاڭعىرىق» رەسپۋبليكالىق مەملەكەتتىك كاسىپورنىنا ارنايى تەحنيكا ساتىپ الۋعا 285 ميلليون تەڭگە ءبولىندى.
