اسىق اتۋ – حالقىمىزبەن بىرگە كونەدەن كەلە جاتقان ۇلتتىق ويىندارىمىزدىڭ ءبىر ءتۇرى. اسىقتى جىلدىڭ ءتورت مەزگىلىندە ويناۋعا بولادى. بۇل ويىن – ادامدى دالدىككە, مەرگەندىككە, شاپشاڭدىققا, ۇستامدىلىققا, العىرلىققا تاربيەلەيدى. مەديتسينا جاعىنان دا پايداسى بار.
سارىارقا اۋدانىنداعى «گۇلدەر» ساياباعىندا ورنالاسقان الاڭنىڭ اشىلۋىندا العاشقى بولىپ ءسوز العان اتالعان اۋداننىڭ اكىمى باۋىرجان ەرالى بالا كۇنىنەن اسىق ويناپ وسكەنىن ايتتى.
«قازىر گادجەتتىڭ نەشە ءتۇرى دامىعان زاماندا بالالاردى اسىق ويناۋعا ۇيرەتۋىمىز كەرەك. بۇل الاڭ Respublica پارتياسىنىڭ باستاماسىمەن اشىلىپ وتىر. اسىقتى كەز كەلگەن جاستاعى ادام وينايدى. سوندىقتان وسى جاڭا الاڭ ارقىلى ەلوردادا اسىق وينايتىن جاستار قاۋىمى قالىپتاسادى دەپ سەنەمىن», دەدى ول.
ودان كەيىن يگىلىكتى ءىستىڭ جۇزەگە اسۋىنا مۇرىندىق بولعان Respublica پارتياسىنىڭ توراعاسى, ءماجىلىس دەپۋتاتى ايداربەك قوجانازاروۆ ۇلتتىق قۇندىلىقتاردى دامىتۋ تۋرالى ايتا كەلىپ, الدا ەلىمىزدىڭ باسقا وڭىرلەرىنەن اسىق وينايتىن الاڭدار اشۋدى جوسپارلاپ وتىرعانىن جەتكىزدى.
سونداي-اق ءدال وسىنداي الاڭ ەلوردانىڭ الماتى اۋدانىنداعى «ستۋدەنتتىك» ساياباق پەن ەسىل اۋدانىنىڭ «ەكسپو» اۋماعىنداعى «تاۋەلسىزدىكتىڭ 25 جىلدىعى مونۋمەنتىنىڭ» الاڭىنان اشىلدى. جاڭا الاڭداردىڭ ەرەكشەلىگى – اسىق اتۋدىڭ تاريحى جانە ويىن تۇرلەرى مەن ەرەجەلەرى تۋرالى اقپاراتتى ارنايى ەنگىزىلگەن QR-كود ارقىلى بىلۋگە بولادى.
استانا قالالىق اسىق اتۋ فەدەراتسياسىنىڭ باسشىسى, اعا جاتتىقتىرۋشى ەسكەندىر راحمەتوۆ كەيىنگى جىلدارى ەلوردادا اسىق اتۋ سپورتىنا قىزىعۋشىلاردىڭ قاتارى كوبەيگەنىن تىلگە تيەك ەتتى.
ء«بىزدىڭ قالالىق فەدەراتسيادا 40-تان استام سپورتشى تىركەلگەن. ولاردىڭ اراسىندا الەمدىك دەڭگەيدەگى حالىقارالىق جارىستاردا توپ جارعان چەمپيوندار بار. سونىمەن بىرگە ولار ۇلتتىق ويىندارعا تورەشىلىك جاسايدى. اسىقتى التى جاستاعى بالادان, الپىستاعى ازاماتقا دەيىن وينايدى. بۇگىن باس قالادا اسىق وينايتىن الاڭدار اشىلعانىنا قۋانىپ تۇرمىن. بۇل وتە كەرەك. وسىنى ىسكە اسىرعان ازاماتتارعا ريزاشىلىعىمدى بىلدىرەمىن», دەيدى فەدەراتسيا باسشىسى.
وسى كۇنى ءىس-شاراعا قاتىسۋشىلار دا اسىق ويناپ, مەرگەندىك تانىتتى.
