ەسكە سالا كەتسەك, باۋىرلاس قالالار فورۋمى 5 ماۋسىمدا وتكەن. وندا ەلوردانىڭ كەشەگى تاريحى, بۇگىنگى الەۋەتى مەن ەرتەڭگى بولاشاعى سارالاندى.
«استانا – بولاشاعى زور قالا. وسى ورايدا, ءبىز «جاسىل قالا» يدەياسىن جۇزەگە اسىرۋعا ايرىقشا ءمان بەرەمىز. ەلوردامىز, ەڭ الدىمەن, تۇرعىندارعا ىڭعايلى قالا بولۋى كەرەك. استانا – ايماقتاعى ءىرى قارجى ورتالىعى. الەمنىڭ 75 ەلىنىڭ 2 مىڭنان اسا كومپانياسى بيزنەس جۇرگىزۋ ءۇشىن استانا حالىقارالىق قارجى ورتالىعىن تاڭدادى. بۇگىندە قارجى ورتالىعى ەلىمىزگە 8 ميلليارد دوللار ينۆەستيتسيا تارتتى. بۇل – جاقسى كورسەتكىش», دەدى پرەزيدەنت قاسىم-جومارت توقاەۆ.
مەملەكەت باسشىسىنىڭ ايتۋىنشا, الەمدىك ساياساتشىلار استانانى بەيبىتشىلىك الاڭى رەتىندە تانيدى. سەبەبى ۇستانىمى بولەك, مۇددەلەرى كەرەعار ەلدەر قازاقستان جۇرەگىندە بىتىمگە كەلگەن.
«كەلەشەكتە دە استانا ءبىزدىڭ گەوساياسي ايماقتاعى ماڭىزدى ورتالىق رەتىندە دامي بەرمەك. مەن بۇعان كامىل سەنەمىن», دەدى پرەزيدەنت فورۋم بارىسىندا.
