ەلىمىزدەگى مەملەكەتتىك قىزمەتشىلەردى دايارلاۋ, قايتا دايارلاۋ جانە بىلىكتىلىگىن ارتتىرۋدى جۇزەگە اسىراتىن ەرەكشە مارتەبەگە يە جوعارى وقۋ ورنى – قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسىنا وقۋعا قۇجات قابىلداۋ كەزەڭى اياقتالدى.
2023-2024 جىلدارعا قۇجات قابىلداۋ 3 ساۋىردەن باستاپ 29 ماۋسىمعا دەيىن admission.apa.kz اقپاراتتىق جۇيەسى ارقىلى جۇرگىزىلدى. جۇيەگە بارلىعى 1410 ادام تىركەلدى, 890 ادام كونكۋرسقا جىبەرىلدى, ولاردىڭ ىشىندە 855-ءى مەملەكەتتىك ءبىلىم بەرۋ تاپسىرىسى بويىنشا وقۋ ءۇشىن كونكۋرسقا تۇسەدى.
مەملەكەتتىك ءبىلىم بەرۋ تاپسىرىسى اياسىندا ماگيستراتۋرا باعدارمالارى بويىنشا كونكۋرسقا جىبەرىلگەندەر سانى:
«مەملەكەتتىك ساياسات» – 295;
«وڭىرلىك دامۋ» – 221;
«ادامي رەسۋرستاردى باسقارۋ» – 134;
«ەكونوميكا» – 104;
«مەملەكەتتىك باسقارۋ» – 63;
«حالىقارالىق قاتىناستار» – 11.
دوكتورانتۋرا باعدارلامالارى بويىنشا كونكۋرسقا جىبەرىلگەندەر سانى:
«ەكونوميكا» – 3;
«حالىقارالىق قاتىناستار» – 5;
«مەملەكەتتىك باسقارۋ» – 19 ۇمىتكەر.
اكادەميادا وقۋعا قۇجات تاپسىرعانداردىڭ باسىم بولىگى – جەرگىلىكتى مەملەكەتتىك اتقارۋشى ورگانداردا قىزمەت ەتەتىن مەملەكەتتىك قىزمەتشىلەر.
جەرگىلىكتى اتقارۋشى ورگاندار – 452;
ورتالىق مەملەكەتتىك ورگاندار – 213;
ومو اۋماقتىق بولىمشەلەرى – 175;
جەرگىلىكتى وكىلدى ورگاندار – 15.
قابىلداۋ كوميسسياسىنىڭ شەشىمىمەن گرانتتار كەلەسىدەي ءبولىندى:
ماگيستراتۋرا باعدارلامالارى بويىنشا:
«مەملەكەتتىك ساياسات» – 35;
«وڭىرلىك دامۋ» – 26;
«ادامي رەسۋرستاردى باسقارۋ» – 16;
«ەكونوميكا» – 15;
«مەملەكەتتىك باسقارۋ» – 21;
«حالىقارالىق قاتىناستار» – 7.
دوكتورانتۋرا باعدارلامالارى بويىنشا:
«ەكونوميكا» – 1;
«حالىقارالىق قاتىناستار» – 2;
«مەملەكەتتىك باسقارۋ» – 9.
كونكۋرستىق ىرىكتەۋ دوكتورانتۋراعا ءۇش كەزەڭنەن, ال ماگيستراتۋراعا ەكى كەزەڭنەن تۇرادى:
- «زەرتتەۋ جۇمىسى جوسپارىنىڭ جوباسى» 5-14 شىلدە (تەك دوكتورانتۋراعا قۇجاتتى تاپسىرعاندار ءۇشىن);
- «اناليتيكالىق ەسسە» جازۋ كەزەڭى 5-14 شىلدە;
- «سۇحباتتاسۋ» 17-31 شىلدە ارالىعىندا جۇرگىزىلەدى.
وقۋعا الدىن الا قابىلدانعان ۇمىتكەرلەر ءتىزىمى 7 تامىزدا جاريالانادى. ۇمىتكەر, وقۋعا جىبەرگەن مەملەكەتتىك ورگان جانە اكادەميا اراسىنداعى ءۇش جاقتى كەلىسىمشارتقا قول قويىلعاننان كەيىن 18 تامىزدا وقۋعا قابىلدانعانداردىڭ قورىتىندى ءتىزىمى بۇيرىقپەن بەكىتىلەدى.
