ەربول قاراشوكەەۆ ەلدە كۇرىش ەگۋ كولەمى قىسقارمايتىنىن, سونداي-اق الداعى ۋاقىتتا كۇرىش ءونىمىنىڭ تومەندەۋى بولجانبايتىنىن العا تارتتى.
ء«بىز ءوزىمىزدى كۇرىشپەن تولىقتاي قامتاماسىز ەتەمىز, ءونىمنىڭ ءبىر بولىگىن شەتەلگە دە ەكسپورتتايمىز. ەل ازاماتتارىنا كۇرىش جەتپەگەن جاعدايدا باعاسى كۇرت وسەدى دەپ بولجاپ وتىرعان جوقپىز. بيىل كۇرىش ۋاقىتىلى ەگىلدى, ءونىم جاقسى بولادى دەپ وتىرمىز», دەدى مينيستر.
دەسە دە مينيستر كۇرىش باعاسى قانداي دەڭگەيدە بولاتىنىن ايتپادى.
«بۇل سۇراققا ەشكىم ناقتى جاۋاپ بەرە المايدى. جىل سايىن قانشا جيناپ ءجۇرمىز, سونشا جينايمىز. ەكسپورتقا كوپ شىعارىلمايدى. وسىعان بايلانىستى ەلدەگى جالپى ينفلياتسيا اياسىندا باعا ءسال كوتەرىلۋى مۇمكىن», دەدى ەربول قاراشوكەەۆ.
