«قازگيدرومەت» ماماندارى حابارلاعانداي, ەلىمىزدىڭ باسىم بولىگىندە نايزاعاي ويناپ, جاڭبىر جاۋادى.
«اتموسفەرالىق فرونتالدى بولىكتەردىڭ وتۋىنە بايلانىستى ەلىمىزدىڭ باسىم بولىگىندە نايزاعاي ويناپ, جاڭبىر جاۋادى. سولتۇستىك-باتىستا نوسەر بولادى دەپ بولجانادى. رەسپۋبليكامىزدىڭ باتىسىندا, وڭتۇستىك-باتىسىندا, شىعىسىندا, سولتۇستىك-شىعىسىندا نەگىزىنەن جاۋىن-شاشىنسىز اۋا رايى بولادى دەپ كۇتىلەدى. رەسپۋبليكا بويىنشا جەل ەكپىنى كۇشەيىپ, وڭتۇستىك وڭىردە شاڭدى داۋىل تۇرادى, كۇندىز سولتۇستىك-باتىس وڭىردە بۇرشاق تۇسەدى, جەل سوعادى, تۇندە جانە تاڭەرتەڭ سولتۇستىك, وڭتۇستىك-باتىس وڭىردە تۇمان بولادى», دەلىنگەن حابارلامادا.
الماتى, اتىراۋ, پاۆلودار, سولتۇستىك قازاقستان, اقمولا جانە جەتىسۋ وبلىستارىنىڭ باسىم بولىگىندە, قاراعاندى, ۇلىتاۋ وبلىستارىنىڭ وڭتۇستىگىندە اپتاپ ىستىق بولادى دەپ كۇتىلەدى.
تۇركىستان, ماڭعىستاۋ, جامبىل, اقتوبە, قاراعاندى, قوستاناي, الماتى, جەتىسۋ جانە ۇلىتاۋ وبلىستارىنىڭ وڭتۇستىگىندە, قىزىلوردا وبلىسىنىڭ باتىسىندا, اتىراۋ ءوڭىرىنىڭ باتىسىندا, پاۆلودار وبلىسىنىڭ سولتۇستىگىندە توتەنشە ءورت قاۋپى جوعارى بولاتىنى ەسكەرتىلەدى.
قىزىلوردا وبلىسىنىڭ ورتالىعىندا, باتىس قازاقستان وبلىسىنىڭ باتىسىندا, اباي وبلىسىنىڭ سولتۇستىك-باتىسىندا, وڭتۇستىگىندە, الماتى, سولتۇستىك قازاقستان وبلىستارىنىڭ باسىم بولىگىندە جانە جەتىسۋ ءوبلىسىندا ورت قاۋپى جوعارى بولادى دەپ كۇتىلەدى.
