EFE اگەنتتىگى جۇما كۇنى ءمالىم ەتكەندەي, 1912 جىلى 11 ساۋىردە جازىلعان حاتتى اعاسىنا ۋرۋگۆايلىق رامون ارتاگاۆەيتيا گومەس جازعان. بۇل حات «تيتانيكتىڭ» سوڭعى ايالداماسى – يرلانديادان جولدانعان. بۇدان ءارى لاينەر اتلانت مۇحيتىنان وتۋگە اتتانىپ, اپاتقا ۇشىرادى. Zorilla اۋكتسيون ءۇيىنىڭ سايتىندا جازىلعانداي, كەيىن ارتاگاۆەيتيا گومەستىڭ اعاسى حاتتىڭ ءبىر بەتىنە بىلاي دەپ جازىپ قويعان: «مەنىڭ سۇيىكتى اعام راموننىڭ ماعان جازعان سوڭعى حاتى.ء ۇش كۇننەن كەيىن «تيتانيك» اپاتقا ۇشىرادى, ول سۋعا باتىپ كەتتى».
Infobae ينتەرنەت-پورتالىنىڭ مالىمەتىنە سۇيەنسەك, لوت باستاپقى باعاسىنا ساتىلدى. ساتىپ الۋشىنىڭ اتى-ءجونى جاريالانعان جوق.
«تيتانيك» 1912 جىلعى ءساۋىردىڭ 14-ىنەن 15-ىنە قاراعان ءتۇنى ايسبەرگپەن سوقتىعىسىپ, سۋعا كەتتى. ۇلىبريتانيانىڭ ساۋتگەمپتون قالاسىنان نيۋ-يورككە دەيىنگى العاشقى رەيسىنە شىققان كەمەدە بارلىعى 2224 ادام بولدى, ولاردىڭ 1513-ءى قازا بولدى. كەمە سىنىقتارى 1985 جىلى كانادانىڭ نيۋفاۋندلەند جاعالاۋىنان 600 كم قاشىقتىقتا 3,8 كم تەرەڭدىكتە تابىلدى.
