سىبايلاس جەمقورلىققا قارسى قىزمەت الماتى قالاسىنىڭ جەر قاتىناستارى سالاسىنداعى جۇيەلى بۇزۋشىلىق فاكتىلەرى بويىنشا قىلمىستىق ىستەردى تەرگەۋدى جالعاستىرۋدا. مەملەكەت قاجەتتىلىگى ءۇشىن اكىمشىلىك تاراپىنان جەر ۋچاسكەسىن ساتىپ العانى ءۇشىن جەكە باسىنا 45 ملن تەڭگە سوماسىندا پارا العان قالالىق جەر قاتىناستارى باسقارماسى باسشىسىنىڭ مىندەتىن اتقارۋشىعا قاتىستى سوتقا دەيىنگى تەرگەۋ باستالدى. سوتتىڭ سانكتسياسىمەن ول قاماۋعا الىندى.
تەرگەۋ سونىمەن قاتار وسى باسقارمانىڭ لاۋازىمدى تۇلعالارى اففيليرلەنگەن باعالاۋشىنىڭ كومەگىمەن جەكە جەر يەلەرىنىڭ مۇددەسى ءۇشىن مەملەكەتتىك ساتىپ الۋعا جاتاتىن 8 ۋچاسكەنىڭ قۇنىن نەگىزسىز كوتەرگەنى انىقتالدى. ناتيجەسىندە مەملەكەت وسى ۋچاسكەلەردىڭ يەلەرىنە شامامەن 7,5 ملرد تەڭگە ارتىق تولەگەن. بۇل رەتتە باعالاۋشىنىڭ ءبىر وبەكت ءۇشىن كورسەتىلەتىن قىزمەتتەرىنىڭ قۇنى 2021 جىلى ورتاشا ەسەپپەن 68 تەڭگەنى جانە 2022 جىلى 10 تەڭگەنى قۇراعان.
سونىمەن قاتار قولدانىستاعى زاڭنامانى ورەسكەل بۇزۋشىلىقتار الماتى قالاسى قالالىق جوسپارلاۋ جانە ۋربانيستيكا باسقارماسىنىڭ قىزمەتىندە دە انىقتالدى. باسقارمانىڭ لاۋازىمدى ادامدارى مەملەكەت مۇددەسىنە قايشى, جەكە تۇرعىن ءۇي قۇرىلىسىنا ارنالعان ۋچاسكەلەردە كوممەرتسيالىق ماقساتتا 11 كوپپاتەرلى تۇرعىن ءۇي كەشەنىنىڭ قۇرىلىسىن كەلىسكەنى انىقتالدى.
ناتيجەسىندە مەملەكەتكە اتالعان جەر ۋچاسكەلەرىنىڭ جالپى سوماسى 760 ملن تەڭگەدەن استام تولەنبەگەن كاداسترلىق قۇنى تۇرىندە زالال كەلتىرىلدى. بارلىعى 470-تەن استام جەر ۋچاسكەسى تەكسەرۋمەن قامتىلدى. جەر قاتىناستارى سالاسىنداعى جۇيەلى جەمقورلىقتى انىقتاۋ جانە جولىن كەسۋ جۇمىستارى جالعاسىپ جاتىر.
تەرگەۋ مۇددەسى ءۇشىن وزگە اقپارات جاريا ەتىلمەيدى.
