قايىرىمدىلىق ءىس-شاراسىندا 1000-نان استام وتباسىعا ازىق-ت ۇلىك سەبەتى ۇلەستىرىلدى. ازىق-ت ۇلىك جيىنتىعىن تاراتۋدا ەرىكتىلەر مەن بەلسەندى ازاماتتار كومەك كورسەتىپ جاتىر. قالالىق ءدىن ىستەرى جونىندەگى باسقارما باسشىسىنىڭ ايتۋىنشا, ەلوردادا توقسان سايىن مۇقتاج جاندارعا كومەك كورسەتىلەدى.
«قالا اكىمدىگى جىل باسىندا Qazaq oil-مەن مەمورامدۋمعا وتىرىپ, توقسان سايىن مۇقتاج جاندارعا كومەكتەسۋدى كوزدەپ وتىر. وسى جولى ازىق-ت ۇلىك سەبەتىنىڭ جانىنا قۇرباندىققا شالىنعان مال ەتىنىڭ ءبىر بولىگىن قوسىپ بەرەمىز. قۇربان ەتتەرىنىڭ ۇشتەن ءبىر بولىگىن ەلوردا تۇرعىندارى, ونىڭ ىشىندە مۇقتاج جاندارعا تاراتۋ كوزدەلگەن ەدى. تۇرعىندار ءتىزىمى قالالىق جانە اۋدان اكىمدىكتەرىنە تۇسكەن وتىنىشتەر بويىنشا جاسالادى. مۇنداي ساۋاپتى ىستە كومەكتەسىپ جۇرگەن بارلىق جاندارعا العىس بىلدىرەمىن. قۇربان ايت مەيرامى قۇتتى بولسىن!», دەدى باسقارما باسشىسى نۇرداۋلەت ءالمۇحانوۆ.
ايتا كەتسەك, ەلوردادا 180 مىڭنان اسا الەۋمەتتىك از قامتىلعان وتباسى بار. بيىل وسى ساناتتاعى 4 مىڭ وتباسىعا ازىق-ت ۇلىك سەبەتىن تاپسىرۋ جوسپارلانعان. يگى ءىستىڭ باسى-قاسىندا جۇرگەن قالا اكىمىنىڭ كەڭەسشىسى قۋانىش مولدابەك ءوز سوزىندە سوڭعى 4 جىلدا وسىنداي 30-عا جۋىق قايىرىمدىلىق ءىس-شاراسى وتكىزىلگەنىن ايتتى.
«بۇگىنگى ءىس-شارا ءداستۇرلى «يگى ىستەر» مارافونى اياسىندا ءوتىپ جاتىر. سەبەتتە الەۋمەتتىك ماڭىزدى ازىق-ت ۇلىك پەن ءۇي شارۋاشىلىعىنا قاجەتتى زاتتار بار. ءبىر قوراپ شامامەن 40 كەلىگە تەڭ. 2019 جىلدان بەرى 30-عا جۋىق وسىنداي يگى ءىس جاسالدى. وسى ورايدا بارلىق ەلوردا تۇرعىندارىن قايىرىمدىلىق جاساۋعا شاقىرامىن. قۇربان ايت بارشامىزعا قۇتتى بولسىن!», دەدى قالا اكىمىنىڭ كەڭەسشىسى.
ازىق-ت ۇلىك سەبەتتەرى تىزىمدەگى مەكەنجايلار بويىنشا تاراتىلادى. ەلورداعا 2008 جىلى لەڭگىردەن كوشىپ كەلگەن گۇلبينا كوشەرباەۆا قايىرىمدىلىق جاساپ جۇرگەن بارلىق جاندارعا العىس ايتتى.
«بىزگە كومەك قورسەتىپ جاتقاندارىڭىزعا وتە قۋانىشتىمىز. مەنىڭ 5 بالام بار. ۇيدە جولداسىم عانا جۇمىس ىستەيدى. بۇل ازىق-ت ۇلىك سەبەتى ءبىزدىڭ وتباسىمىزعا ۇلكەن كومەك. قازىر ءبىر كەلى قانتتىڭ ءوزى 625 تەڭگە تۇرادى. قىمباتشىلىق زاماندا ازىق-ت ۇلىككە كوپ اقشا كەتەدى. قازىر ءۇي كەزەگىندە تۇرمىن. بىزگە كومەكتەسىپ جاتقان قالا اكىمدىگى, ودان كەيىن بايقوڭىر اۋدان اكىمدىگى مەن ەرىكتىلەرگە العىسىمدى ايتامىن!», دەدى گۇلبينا كوشەرباەۆا.
