قازاقستان تەننيس فەدەراتسياسىنىڭ ءباسپاسوز قىزمەتى حابارلاعانداي, ەلەنا رىباكينا پاريجدە وتكەن رولان گارروس ءتۋرنيرى كەزىندەگى جۇقپادان كەيىن ءالى تولىق ساۋىعىپ ۇلگەرمەگەن.
«شىنى كەرەك, بۇل اۋرۋ وتە اۋىر ءتيدى. رولان گارروستا ويناۋدان باس تارتقاننان كەيىن, وتەلگە ورالعاندا جاعداي ءتىپتى قيىندادى. سوندىقتان پاريجدە بىرنەشە كۇنگە قالىپ, قوناقۇي بولمەسىنەن شىقپاۋعا تۋرا كەلدى. ءبىر اپتادان سوڭ كوگالداعى كورتتا جاتتىعۋدى باستادىم, بىراق بۇل ۆيرۋس بولعاندىقتان, تەز جازىلىپ كەتۋ قيىنعا سوقتى. بىرتە-بىرتە وزىمە كەلىپ, مۇندا بىرنەشە ماتچ وتكىزىپ, ۋيمبلدونعا دەيىن قالپىما كەلەم بە دەپ ويلايمىن. ۋيمبلدونعا چەمپيون رەتىندە كەلۋ وڭاي ەمەس. ءبارى مەنى فاۆوريت دەپ جاتىر. سوندىقتان وتكەن جىلعى تاجىريبەم سەپتەسەدى دەپ سەنەمىن. ۋيمبلدونعا دەيىن ءالى ءبىر اپتا بار. ەڭ باستىسى, جاقسى كوڭىل-كۇيمەن تابىستى ونەر كورسەتكىم كەلەدى», دەدى ەلەنا رىباكينا.
يستبۋرن جارىسىنىڭ ءبىرىنشى راكەتكاسى بولىپ تىركەلگەن رىباكينا رەيتينگىدە 73-ورىندا تۇرعان قىتاي تەننيسشىسى سيۋي ۆانمەن كەزدەسۋى كەرەك ەدى.
