قر اقپارات جانە قوعامدىق دامۋ مينيسترلىگىنە قاراستى ءدىن ىستەرى كوميتەتىنىڭ ارنايى جوباسى اياسىندا اعىمداعى جىلدىڭ 12-16 ماۋسىم ارالىعىندا سولتۇستىك قازاقستان وبلىسىندا ءدىن ماسەلەلەرى جونىندەگى رەسپۋبليكالىق اقپاراتتىق-ءتۇسىندىرۋ توبىنىڭ (راتت) قاتىسۋىمەن ءدىندار ايەلدەر اراسىندا ءدىني ەكسترەميزمنىڭ تارالۋىن الدىن الۋعا باعىتتالعان سەمينارلار جانە ءارتۇرلى فورماتتاعى ءىس-شارالاردى ۇيىمداستىرۋ شەڭبەرىندە ءوڭىر تۇرعىندارىمەن بىرقاتار كەزدەسۋلەر وتكىزىلدى.
اتالعان كەزدەسۋلەرگە راتت مۇشەلەرىنەن (تەولوگتار, ءدىنتانۋشىلار) – ت.ۆ. مۇستافينا, ر. سولتان, ا.ا. كەڭەسباەۆا, گ.ك. ورازباەۆا, ز.ب. مالگاراەۆا تارتىلدى.
راتت مۇشەلەرىنىڭ قاتىسۋىمەن پەتروپاۆل, سەرگەەۆكا قالالارى, تايىنشى, قىزىلجار, ع.مۇسىرەپوۆ, شال اقىن اۋداندارى, بەسكول, نوۆويشيمسكوە اۋىلدارىنىڭ مەشىتتەرىندەگى ايەل جاماعاتى, وڭىرلەردەگى ورتالىق كىتاپحانا, مەكتەپ-ليتسەي مەن مەديتسينالىق كوللەدج, ءدىن ىستەرى باسقارماسىنىڭ مەكەمەلەرى قىزمەتكەرلەرىمەن, الەۋمەتتىك وسال توپتاعى ايەلدەرمەن جانە باسقا دا قاتىسۋشىلارمەن سەمينارلار مەن كەزدەسۋلەر وتكىزىلدى.
وتكىزىلگەن ءىس-شارالاردا وڭىرلەردىڭ تۇرعىندارىنا تەرىس ءدىني اعىمداردىڭ بەلگىلەرى, قازاقستان رەسپۋبليكاسىنداعى جالپى ءبىلىم بەرۋدىڭ زايىرلى سيپاتى, الەۋمەتتىك جەلىلەردەگى قازاقستانداعى حيدجاب تۋرالى ديسكۋرستار تۋرالى اقپاراتتار بەرىلدى.
ساراپشىلار ءدىننىڭ رۋحاني-ادامگەرشىلىك قۇرامداس بولىگى ماسەلەلەرىنە, قازىرگى قوعامداعى ءدىندار ايەلدەردىڭ ءرولى مەن الەۋمەتتىك مارتەبەسىن, سونداي-اق ايەلدەر اراسىندا ءدىني ساۋاتتىلىقتى ارتتىرۋعا, دەسترۋكتيۆتى ءدىني اعىمداردىڭ اسەرىنە قارسى تۇرۋ شارالارىنا ەرەكشە نازار اۋداردى.
تىڭداۋشىلار تاراپىنان دا راتت مۇشەلەرىنە بىرقاتار سۇراقتار قويىلىپ, تۇجىرىمدى جاۋاپتار الىندى.
