قازاقستاننىڭ بارلىق اۋماعى سولتۇستىك-باتىس تسيكلونى مەن اتموسفەرالىق فرونتالدى بولىكتەردىڭ ىقپالىندا بولعاندىقتان, جاڭبىر جاۋادى. ماسەلەن, سولتۇستىكتە, تۇندە وڭتۇستىك-شىعىستىڭ تاۋلى ايماقتارىندا نايزاعاي ويناپ, جاڭبىر جاۋادى. تەك رەسپۋبليكامىزدىڭ وڭتۇستىگىندە, باتىسىندا كۇن جاۋىن-شاشىنسىز بولادى.
«ەلدىڭ باسىم بولىگىندە جەل كۇشەيىپ, وڭتۇستىك-شىعىستا, سولتۇستىكتە, ورتالىقتا بۇرشاق جاۋىپ, داۋىل سوعادى. سونداي-اق وڭتۇستىكتە شاڭدى داۋىل كۇتىلەدى, تۇندە جانە تاڭەرتەڭ سولتۇستىكتە, شىعىستا تۇمان تۇسەدى.
تۇركىستان, ماڭعىستاۋ, جامبىل, قوستاناي وبلىسىنىڭ وڭتۇستىگىندە, ورتالىعىندا, قىزىلوردا وبلىسىنىڭ باتىسى مەن شىعىسىندا, اقتوبە وبلىسىنىڭ وڭتۇستىگىندە قاراعاندى, ۇلىتاۋ وبلىستارىنىڭ وڭتۇستىگىندە, پاۆلودار وبلىسىنىڭ باتىسىندا, سولتۇستىگىندە, ورتالىعىندا, اتىراۋ وبلىسىنىڭ وڭتۇستىگىندە, شىعىسىندا توتەنشە ءورت قاۋپى ساقتالادى», دەيدى سينوپتيكتەر.
جەتىسۋ وبلىسىندا, الماتى, قاراعاندى وبلىستارىنىڭ وڭتۇستىگىندە جانە ۇلىتاۋ وبلىسىندا, باتىس قازاقستان وبلىستارىنىڭ وڭتۇستىك-شىعىسىندا, قىزىلوردا وبلىسىنىڭ ورتالىعىندا جوعارى ءورت قاۋپى ساقتالادى.
