كەزدەسۋدە دارحان قىدىرالى مينيسترلىك كومپانيامەن تۇراقتى تۇردە قارىم-قاتىناس ورناپ وتىرعانىن ايتتى.
ء«بىزدىڭ تەو بەرتران مىرزامەن 2022 جىلعى قازان ايىنداعى كەزدەسۋىمىزدەن كەيىن TikTok-تىڭ ينتەرفەيسى قازاق تىلىنە اۋدارىلعانى ءۇشىن كومپانياعا العىسىمدى بىلدىرگىم كەلەدى. وسى جەتىستىككە توقتاپ قالماي, ينتەرفەيستىڭ قازاق تىلىندەگى فۋنكتسيالارىن ودان ءارى كەڭەيتۋ بويىنشا جۇمىستاردى جالعاستىرۋعا نيەتتىمىز», دەدى مينيستر.
سونداي-اق مينيستر TikTok-تاعى ۆيدەوكونتەنتتى اۆتوماتتى تۇردە قازاقشاعا اۋدارۋ, جالپى جەلىدەگى ءمازىرى تۇگەلىمەن مەملەكەتتىك تىلگە ءتارجىمالاۋ ماسەلەسىن كوتەردى.
قازىر پارلامەنتتە تالقىلانىپ جاتقان «ونلاين-پلاتفورمالار جانە ينتەرنەت جارناما تۋرالى» زاڭ جوباسى تالقىلانىپ جاتقانى بەلگىلى. دارحان قىدىرالى زاڭ جوباسى اياسىندا الەمدىك ونلاين پلاتفورما يەلەرىمەن ىنتىماقتاستىقتى, اسىرەسە, قازاق تىلىندەگى كونتەنتتى مودەراتسيالاۋ مەن مونەتيزاتسيالاۋعا ءمان بەرىلەتىنىن ايتتى. ماسەلەن, مينيستر TikTok-تە كونتەنت جاساعانى ءۇشىن Creator Fund ارقىلى قارجى الاتىندار قاتارىنا قازاقستاندى قوسۋ قاجەتتىگىن جەتكىزدى.
تاكۋيا ياماگۋچي مينيستر كوتەرگەن ماسەلەلەر بويىنشا بىرلەسىپ جۇمىس ىستەۋگە ءازىر ەكەنىن ايتىپ, قازاقستانداعى مەديا سالانىڭ جۇمىسىنا وڭ باعا بەردى.وعان قوسا, كومپانيا وكىلدەرى تيكتوكتىڭ كيبەربۋلينگكە قارسى جۇمىستارىنا توقتالىپ, كونتەنتتى لوكاليزاتسيالاۋ جونىندە دە قاداعالاۋ جۇرگىزىلەتىنىن جەتكىزدى. جۋىردا استانا مەن الماتىدا كومپانيانىڭ وكىلدىگى اشىلادى.
TikTok-تىڭ ورتالىق ازيا لايف ستريمينگ بويىنشا باس مەنەدجەرى ۆەگا سونگ قازاقستاندا تيكتوكەرلەردىڭ كوپتەپ شىعىپ جاتقانىن, اسىرەسە, تىكەلەي ەفير فورماتىنا كوپ كوڭىل بولىنەتىنىن ايتتى.
ءوز سوزىندە دارحان قىدىرالى جەلىدە كامەلەتكە تولماعانداردى تىركەۋ ساياساتىن قاراۋ بويىنشا جۇمىس جۇرگىزۋدى ۇسىنىپ, قوناقتاردى 20-21 ماۋسىمدا استانادا وتەتىن حالىقارالىق ۆولونتەرلەر فورۋمىنا شاقىردى.
