اتالعان فيرمانىڭ كومباينىن سولتۇستىكتە العاش العانداردىڭ ءبىرى – «ارقالىق» جشس. 1992 جىلى الىنعان سول كومباين ءالى كۇنگە دەيىن جۇمىس ىستەپ كەلە جاتقان كورىنەدى. بۇل تۋرالى شارۋاشىلىقتىڭ قازىرگى باسشىسى اسحات بارلىباەۆ ايتتى. وتىز جىلدان استام پايدالانسا دا, وسى كومباين ءار ماۋسىمدا 1 700 توننا استىق باستىرادى ەكەن. ال قازىر قىزىلجار ءوڭىرىنىڭ ەگىس القاپتارىندا سlaas-تىڭ ءبىر مىڭنىڭ ۇستىندە كومباينى ءجۇر.
2021 جىلى ءبىر توپ جۋرناليست پەتروپاۆلداعى تسەحتى ارالاپ كورگەنبىز. نەمىس ماماندارى توسەلگەن اسفالتتىڭ ءوزىنىڭ ءمىنسىز بولۋىن تالاپ ەتكەن ەكەن, اينالا ايناداي جارقىرايدى. ال بىلتىر پەتروپاۆلعا كەلگەن «سlaas Group» كومپانياسى باقىلاۋشىلار كەڭەسىنىڭ توراعاسى كاترينوي كلااس-ميۋلحويزەر تسەحتىڭ تالاپقا ساي جاسالعانىن اتاپ وتكەن. جالپى, «سlaas» كومپانياسى – الەمدىك اۋىل شارۋاشىلىعى تەحنيكالارىن ءوندىرۋ نارىعىندا ءبىر عاسىردان ارتىق قىزمەت ەتىپ كەلەدى. باسەكەلەستەرىنە توتەپ بەرە العان ۇزدىك كومپانيا. قازىر ونىڭ فيليالدارى اقش, ماجارستان, قىتاي, ءۇندىستان مەملەكەتتەرىندە بار.
قازاقستانداعى قۇراستىرۋ زاۋىتى 2021 جىلى ىسكە قوسىلعان, جوبانى ىسكە اسىرۋعا 4 ملرد تەڭگەدەن استام قاراجات جۇمسالدى. زاۋىت ءۇش جىلعا جاقىن ۋاقىت ىشىندە 700-دەن استام ءتۇرلى تەحنيكا شىعارىپ, 54 ملرد تەڭگەنىڭ ءونىمىن ءوندىردى.
جۋىردا پەتروپاۆل قالاسىنا «سlaas Group» كومپانياسىنىڭ باس ديرەكتورى يان-حەندريك مور باستاعان گەرمانيالىق دەلەگاتسيا كەلدى. دەلەگاتسيا مۇشەلەرىن وبلىس اكىمى ايداربەك ساپاروۆ قابىلداپ, ەكىجاقتى ىنتىماقتاستىقتىڭ بارىسى تۋرالى ايتتى. «قازىر ءبىزدىڭ شارۋالار «Qyzyljar» اەا اشىلعان فيليالدىڭ ارقاسىندا گەرمانيالىق تەحنيكانى بۇرىنعىعا قاراعاندا 30 پايىزعا ارزانىراق الۋعا قول جەتكىزدى. وسىنىڭ ءوزى – ۇلكەن جەتىستىك, دەگەنمەن ءبىز باعانىڭ بۇدان دا تومەن بولىپ, ارزانداعانىن قالايمىز. ەكىجاقتى ىنتىماقتاستىقتىڭ ودان ءارى وركەن جايۋىنا مۇددەلىمىز», دەدى ايداربەك سەيپىل ۇلى.
يان-حەندريك مور: «باعاعا بايلانىستى, ءبىز الداعى ۋاقىتتا ونى جەتىلدىرۋگە تىرىسىپ, بارلىق نۇسقالاردى قاراستىراتىن بولامىز», دەدى.
ءسوز سوڭىندا شەتەلدىك كومپانيا باسشىسى وبلىس اكىمىن گەرمانيادا وتەتىن اۋىل شارۋاشىلىعى كورمەسىنە قاتىسۋعا شاقىردى.
سولتۇستىك قازاقستان وبلىسى
