ەلوردالىق كولىك جانە جول-كولىك ينفراقۇرىلىمىن دامىتۋ باسقارماسى جول قوزعالىسى قاۋىپسىزدىگىن قامتاماسىز ەتۋ ماقساتىندا قالالىق پد اكىمشىلىك پوليتسيا باسقارماسىمەن كەلىسە وتىرىپ, قورداي كوشەسىندە ورتاشا جوندەۋ جۇمىسىن باستايدى.
«جوندەۋ جۇمىسىنىڭ جۇرگىزىلۋىنە بايلانىستى 22-25 ماۋسىم ارالىعىندا قورداي كوشەسىنىڭ ب.مومىش ۇلى داڭعىلىنان بالقانتاۋ كوشەسىنە دەيىنگى ۋچاسكەسىندە كولىك قوزعالىسى تولىعىمەن جابىلادى», دەلىنگەن حابارلامادا.
سونداي-اق تۇران داڭعىلىندا ورتاشا جوندەۋ جۇمىسى جۇرگىزىلەتىنى بەلگىلى بولدى:
21 ماۋسىم ساعات 21:00-دەن 22 ماۋسىم ساعات 12:00-گە دەيىن تۇران داڭعىلى مەن قورعالجىن تاسجولىنىڭ قيىلىسىندا كولىك قوزعالىسى توقتايدى;
22 ماۋسىم كۇنى ساعات 21:00-دەن 23 ماۋسىم كۇنى ساعات 12:00-گە دەيىن تۇران داڭعىلى مەن سارايشىق كوشەسىنىڭ قيىلىسىندا كولىك قوزعالىسى تولىعىمەن شەكتەلەدى.
«استانا قالاسى پد اكىمشىلىك پوليتسيا باسقارماسىنىڭ كەلىسىمى بويىنشا سۇلۋكول كوشەسىندەگى تۇرعىن ۇيلەردى ورتالىق جىلۋمەن قامتاماسىز ەتۋ ماقساتىندا قالانىڭ وتىن-ەنەرگەتيكالىق كەشەنى جانە كوممۋنالدىق شارۋاشىلىق باسقارماسى شۇعىلا كوشەسىندەگى جىلۋ تراسساسىن سالۋ جوباسى اياسىندا جۇمىس جۇرگىزىلىپ جاتىر», دەپ جازدى ەلوردا اكىمدىگىنىڭ رەسمي سايتى.
وسى سەبەپتەرگە بايلانىستى 22 ماۋسىمنان 15 شىلدەگە دەيىن شۇعىلا كوشەسىنىڭ ن.تىلەنديەۆ داڭعىلىنان ارداگەرلەر كوشەسىنە دەيىنگى ۋچاسكەلەرى كەزەڭ-كەزەڭمەن ءىشىنارا جابىلادى.
