سوڭى قايعىعا ۇلاسا جازداعان بۇل وقيعا الماتىدا ورىن الدى. 10 جاسار داستان تاۋشىمىلدىق گ ۇلىنىڭ سپيرتتىك تۇنباسىن سۋمەن شاتاستىرىپ ءىشىپ قويعان. سالدەن كەيىن بالانىڭ دەنساۋلىعى ناشارلاپ, ەسىنەن تانىپ قالادى. جەدەل جاردەم بريگاداسى ناۋقاستى بالالار جەدەل مەديتسينالىق جاردەم ورتالىعىنا جەتكىزەدى. باستاپقىدا بالانىڭ اتا-اناسى ونىڭ تۇنبا ءىشىپ قويعانىن بىلمەگەندىكتەن, تاعامنان ۋلانعان دەپ بولجاپ, ناقتى دياگنوز قويۋ قيىنعا سوققان. ويتكەنى بالا بۇرىن ەشقاشان ءدارى-دارمەك پەن تاعام اللەرگياسىنان زارداپ شەكپەگەن.
«بىزگە بالا III دارەجەلى ەكزوۋىتتى شوك سالدارىنان وتە اۋىر جاعدايدا ءتۇستى, قانداعى گليۋكوزا 18 ممول/ل دەيىن جوعارىلاپ, گيپەرگليكەميا, كەتواتسيدوز, باس مي ءىسىنۋى, جالپى ينتوكسيكاتسيا بەلگىلەرى بايقالىپ, ەس-ءتۇسسىز حالدە ءتۇستى. سول كەزدىڭ وزىندە ميى كومادا بولدى. قابىلداۋ بولىمىندە ناۋقاستى كوپبەيىندى دارىگەرلەر بريگاداسى تەكسەرىپ, شۇعىل تۇردە كلينيكالىق جانە زەرتحانالىق زەرتتەۋلەر جۇرگىزىلدى. تاۋشىمىلدىق تۇنباسىمەن جەدەل ۋلانعان دەگەن دياگنوز قويىلدى. اۋىر دارەجە. III دارەجەلى ەكزوۋىتتى شوك. ۋىتتى ەنتسەفالوپاتيا. ۋىتتى گەپاتيت. ناۋقاس جانساقتاۋ بولىمىنە جاتقىزىلدى, جەكە دارىگەرلىك جانە مەدبيكەلىك پوست تاعايىندالدى. جاعدايىنىڭ اۋىرلىعىنا بايلانىستى ناۋقاستىڭ جۇرەگى ەكى رەت توقتاپ قالعان. دارىگەرلەر بالانىڭ جاعدايىن تۇراقتاندىرۋعا قول جەتكىزدى», دەيدى بالالار جەدەل مەديتسينالىق جاردەم ورتالىعى توكسيكولوگيا ءبولىمىنىڭ مەڭگەرۋشىسى قۇرمەتبەك توقتار.
وسى ارپالىسپەن 10 كۇننىڭ ىشىندە بالالار جەدەل جاردەم دارىگەرلەرى بالانى ومىرگە قايتارىپ الدى. بالانىڭ بەتى بەرى قاراپ, اعزاسى قالپىنا كەلدى.
«10-بولىمشەنىڭ مەديتسينا قىزمەتكەرلەرىنە, اسىرەسە قۇرمەتبەك توقتار ۇلىنا, سونىمەن بىرگە جانساقتاۋ بولىمشەسىنىڭ قىزمەتكەرلەرىنە, م.ماقۇلبەكوۆ, ت.بيدايباي, ا.ريگي, ا.كۇلىمبەتوۆ, نەۆروپاتولوگ ن.قۇرمانباەۆقا العىس بىلدىرەمىن. جانكەشتى ەڭبەكتىڭ, جوعارى كاسىبيلىك, قايىرىمدىلىق, ساپالى مەديتسينالىق كومەك كورسەتۋگە دەگەن ۇمتىلىستىڭ ارقاسىندا جۇرەگى ەكى رەت توقتاپ قالعان, ءبىر تاۋلىكتەن استام ۋاقىت كومادا بولعان ۇلىم امان قالدى. ەندى مىنە, امان-ەسەن ۇيگە شىققالى جاتىرمىز, بارلىق مەديتسينالىق ساراپتامالار جاقسى ناتيجە بەردى. كاسىبي مامانداردى تاڭداپ, جۇمىستى دۇرىس ۇيىمداستىرا بىلگەن بالالار جەدەل مەديتسينالىق جاردەم ورتالىعىنىڭ بۇكىل ۇجىمىنا كوپ راحمەت», دەپ, ورتالىق دارىگەرلەرىنە شىن جۇرەكتەن العىسىن جاۋدىرىپ وتىرعان انانىڭ جاي-كۇيىن تۇسىنۋگە بولادى.
ال دارىگەرلەر ازىق-ت ۇلىك قاۋىپسىزدىگىن قاتاڭ ساقتاۋدى, ءدارى-دارمەك پەن بالا دەنساۋلىعىنا قاۋىپتى زاتتاردى قول جەتپەيتىن جەردە ساقتاۋدى سۇرايدى. جاز – كونسەرۆى مەن ماريناد جاسايتىن قىسقا دايىندىق ماۋسىمى بولعاندىقتان, بۇل كەزدە سىركە سۋى سياقتى, باسقا دا قاۋىپتى زاتتارمەن ۋلانۋ ىقتيمالدىلىعى ارتا تۇسەدى.
الماتى
