«بۇگىنگى فورۋمعا ەلىمىزدىڭ ءار تۇكپىرىنەن جانە شەت ەلدەردەن ەرىكتىلەر ارنايى كەلىپ وتىر. حالىقارالىق ۇيىمداردىڭ وكىلدەرى, مارتەبەلى مەيماندار قاتىسىپ وتىر. بارىڭىزگە شىنايى ريزاشىلىعىمدى بىلدىرەمىن. كەشەدەن بەرى وزەكتى ماسەلەلەر تالقىلاندى. جيىنعا قاتىسۋشىلار وي-پىكىرلەرىن ورتاعا سالدى, ۇتىمدى ۇسىنىستار ايتتى. ءتيىمدى جوبالارىن تانىستىرىپ, تاجىريبە ءبولىستى. مۇنىڭ ءبارى يگى ىستەردى جالعاستىرۋعا زور مۇمكىندىك بەرەدى», دەدى پرەزيدەنت فورۋمنىڭ ەكىنشى كۇنىندە.
مەملەكەت باسشىسىنىڭ ايتۋىنشا, قازاقستاندا ەرىكتىلەر قىزمەتىن جان-جاقتى دامىتۋ ءۇشىن قاجەتتى جاعداي جاسالىپ جاتىر.
«بۇعان مەملەكەت تاراپىنان قاجەتتى جاعداي جاسالىپ جاتىر. مەن ءوزىم ەرىكتىلەردى بارىنشا قولدايمىن. سىزدەردىڭ تاباندى جۇمىستارىڭىزدى جوعارى باعالايمىن. وسى سالاداعى بارلىق باستامالاردى قولدايمىن», دەدى قاسىم-جومارت توقاەۆ.
