ەلوردانىڭ دەنساۋلىق ساقتاۋ سالاسىندا ماڭىزدى مىندەتتەردىڭ ءبىرى – كادر تاپشىلىعىن جويۋ. وسى ماقساتتا استانا قالاسىنىڭ قوعامدىق دەنساۋلىق ساقتاۋ باسقارماسى مىناداي شارالار قابىلداپ جاتىر:
2023 جىلعا جەرگىلىكتى بيۋدجەتتەن مەديتسينالىق ماماندىقتاردا وقۋ ءۇشىن 381 گرانت ءبولىندى. وتكەن وقۋ جىلىندا 19 ماماندىق بويىنشا 128 گرانت بولىنگەن.
جاس مامانداردى ەسكەرە وتىرىپ, مەملەكەتتىك دەنساۋلىق ساقتاۋ سەكتورىندا مەديتسينالىق كادرلاردىڭ (جەكە تۇلعالاردىڭ) تاپشىلىعى 94,4%-عا تومەندەدى.
قر مەديتسينالىق ءبىلىم جانە عىلىم ۇيىمدارىندا مەملەكەتتىك ءبىلىم بەرۋ تاپسىرىسى نەگىزىندە ءبىلىم العان جاس مامانداردى ءبولۋ جوسپارلانىپ وتىر, بۇل مەديتسينالىق ۇيىمداردىڭ قاجەتتىلىگىنە سايكەس 300-گە جۋىق ادامدى قۇرايدى.
كادر تاپشىلىعىنا اسەر ەتەتىن فاكتورلاردىڭ ءبىرى – مامانداردىڭ ەلوردادا باسپاناسىنىڭ بولماۋى.
بىلىكتى كادرلاردى تارتۋ ماقساتىندا مەديتسينا قىزمەتكەرلەرى ءۇشىن تولىق الەۋمەتتىك پاكەتتى ۇسىنۋ, سونداي-اق تۇرعىن ۇيمەن قامتاماسىز ەتۋ قاجەت. قازىرگى ۋاقىتتا قالالىق قۇرىلىس باسقارماسى استانا-قاراعاندى تاسجولى اۋماعىندا مەديتسينا قىزمەتكەرلەرىنە ارنالعان جاتاقحانا سالۋ جوباسىن ىسكە اسىرىپ جاتىر.
دەنساۋلىق ساقتاۋ ماماندارىنىڭ بىلىكتىلىگىن ارتتىرۋ جوسپارىنا سايكەس جەرگىلىكتى بيۋدجەت قاراجاتى ەسەبىنەن 2022 جىلى شەتەلدە جانە ەل ىشىندە 800-دەن استام (ونىڭ ىشىندە قازاقستان رەسپۋبليكاسىنان تىس جەرلەردە 69 ادام) ادام وقىتىلدى. بيىل 1700-دەن استام ادامدى وقىتۋ (ونىڭ ىشىندە قازاقستان رەسپۋبليكاسىنان تىس جەرلەردە 45 ادام) جوسپارلانىپ وتىر.
2023 جىلدىڭ العاشقى توقسانىنىڭ قورىتىندىسى بويىنشا دارىگەرلەردىڭ ورتاشا جالاقىسى بارلىق تولەمدەردى, ونىڭ ىشىندە سىيلىقاقى مەن جان باسىنا شاققانداعى كەشەندى ءنورماتيۆتىڭ ىنتالاندىرۋشى كومپونەنتىن, دەمالىس, ساۋىقتىرۋ جاردەماقىلارىن, قىزمەت كورسەتۋ ايماعىن كەڭەيتۋ ءۇشىن قوسىمشا اقىلاردى, كەستە بويىنشا كەزەكشىلىكتى, جەكە قوسىمشا اقىلاردى, وتەماقى تولەمدەرىن جانە باسقالارىن ەسكەرە وتىرىپ, 544 مىڭ تەڭگەنى جانە ورتا مەديتسينالىق پەرسونالدا 337 مىڭ تەڭگەنى قۇرادى.
مەملەكەت باسشىسىنىڭ تاپسىرماسىن ىسكە اسىرۋ ماقساتىندا جىل باسىنان بەرى دارىگەرلەردىڭ جالاقىسى 30%-عا, ورتا مەديتسينا قىزمەتكەرىنىڭ جالاقىسى 20%-عا ءوستى.
