پرەزيدەنت باق-تىڭ قوعامدىق پىكىر قالىپتاستىرۋدا ماڭىزدى ءرول اتقاراتىنىن ايتتى.
«اقپارات ساياساتىنىڭ تيىمدىلىگىن ارتتىرۋ, كرەاتيۆتى يندۋستريانى دامىتۋ. ماسس-مەديا – ەلىمىزدى جاڭعىرتۋ ىسىنە ەرەكشە ىقپال ەتەتىن سالا. سونداي-اق بيلىك پەن قوعام اراسىنداعى پارمەندى بايلانىس قۇرالى. اقپارات قۇرالدارىندا ءتۇرلى كوزقاراستار توعىسادى. ونى قوعام تىنىسىنىڭ بارومەترى دەۋگە بولادى. وسى سالاداعى وزەكتى ماسەلەلەردى شەشۋ ءۇشىن اقپارات ساياساتىن تۇبەگەيلى قايتا قاراۋ قاجەت. كرەاتيۆتى يندۋستريانى جاڭا دەڭگەيگە كوتەرۋىمىز كەرەك. قازىر مەديا سالاسى, كينو جانە سەريال, مۋلتفيلم, سپورت جانە مۋزىكا شوۋلارى, كومپيۋتەر ويىندارى مەن كىتاپتار – ءبارى بىرىگىپ, ءبىرتۇتاس جۇيەگە اينالدى», دەدى مەملەكەت باسشىسى.
ونىڭ ايتۋىنشا, بۇل جۇيە وزىق قۇندىلىقتار مەن قاسيەتتەردى قالىپتاستىرۋعا ىقپال ەتەدى. پرەزيدەنت بۇل سالاداعى الەۋەتىمىزدىڭ وراسان زور ەكەنىن ايتتى. ونى تولىققاندى جۇزەگە اسىرۋ ءۇشىن ناقتى شارالار قابىلداۋ قاجەت.
