زووباقتىڭ مالىمەتىنە سۇيەنسەك, كىشكەنتاي سۋسيىردىڭ اكەسىنىڭ ەسىمى – دجامبو. ول 2007 جىلى ومىرگە كەلگەن. 2009 جىلى يزرايلدەن الماتى حايۋاناتتار باعىنا اكەلىنگەن. ونىڭ سىڭارى لوتتي 2010 جىلى ومىرگە كەلگەن. 2018 جىلى فرانتسيادان الماتى زووباعىنا اكەلىنگەن.
«ولار بىردەن جۇپ بولمادى. العاشقى كەزدە دجامبو ءلوتتيدى ءسۇزىپ, قارسىلىق كورسەتەتىن. ۋاقىت وتە كەلە ەكەۋى ءتىل تابىسىپ كەتتى. لوتتي 22 مامىر كۇنى تولدەدى. كىشكەنتاي ۇرعاشى سۋسيىردىڭ سالماعى 38 كەلى, بويى 50 سم. قازىر ولاردىڭ جاعدايى جاقسى. ەكەۋى دالاداعى قورشاۋعا ورنالاستىرىلدى», دەپ حابارلادى زووباقتىڭ ءباسپاسوز قىزمەتى.
