پويىز اپتاسىنا ەكى رەت: استانادان – جەكسەنبى, بەيسەنبى سايىن, دوستىق ستانتسياسىنان – دۇيسەنبى جانە جۇما سايىن جول جۇرەدى. پويىزدا 346 جولاۋشىعا ورىن بار.
باعداردىڭ استانادان الاكولگە دەيىنگى ۇزىندىعى - 1399 كم. پويىز جولدا - 21 ساعات 45 مينۋت جۇرەدى. «تالگو» پويىزى - الاكولگە جەتۋدىڭ وڭتايلى جولى, ۆاگوندار اۋا جەلدەتكىش, بيودارەتحانا, روزەتكامەن جابدىقتالعان.
جولاۋشىلارعا vputi.kz مۋلتيمەديالىق ويىن-ساۋىقتىق پورتالىن قولدانۋعا بولادى. پويىزدا ەرەكشە قاجەتتىلىگى بار جاندار ءۇشىن گراند كلاسىنداعى ۆاگوندار بار جانە ۆاگون-مەيرامحانا قاراستىرىلعان. بيلەت قۇنى ۆاگون كلاسىنا قاراي 17 مىڭ تەڭگەدەن باستالادى.
ال وڭتۇستىك استانادان الاكولگە دەيىن «تالگو» ۆاگوندارىنان قۇرالعان ەكى جولاۋشىلار پويىزى:
- №211/212 «الماتى-دوستىق» (346 جولاۋشىلار ورنى بار) كۇنارا: الماتىدان - جۇپ كۇندەرى, دوستىقتان - تاق كۇندەرى;
- №253/254 «الماتى-دوستىق» (276 جولاۋشىلار ورنى) كۇنارا: الماتىدان - تاق كۇندەرى, دوستىقتان - جۇپ كۇندەرى قاتىنايدى.
الماتى مەن دوستىقتىڭ اراسى 846 كم جول, جولعا كەتەتىن ۋاقىت – 17 ساعات 35 مينۋت. بيلەت قۇنى 11 مىڭ تەڭگەدەن باستالادى.
«تالگو» پويىزدارىنىڭ ارنايى ورىندارىنا ەرەكشە قاجەتتىلىكتەرى بار جاندار ءۇشىن جول ءجۇرۋ قۇجاتىنىڭ جالپى قۇنىنان 70% جەڭىلدىك قاراستىرىلادى. بيلەتتەردى كاسسادان نەمەسە https://bilet.railways.kz سايتى ارقىلى كوميسسياسىز ساتىپ الۋعا بولادى.
سونىمەن قاتار الاكول باعىتىندا جازعى مەزگىلدە 8 باعدار بويىنشا جولاۋشىلار پويىزدارى قاتىنايدى:
- №53/54 «استانا-دوستىق» پويىزى (تاسىمالداۋشى «جولاۋشىلار تاسىمالى» اق );
- №122/6941/6942/121 «استانا-دوستىق» پويىزى(جەكە تاسىمالداۋشى «ارايترانسكز» جشس);
- №221/222 «الماتى – دوستىق» پويىزى (تاسىمالداۋشى «جولاۋشىلار تاسىمالى» اق);
- №22/6941/6942/21 «الماتى – دوستىق» پويىزى (تاسىمالداۋشى «جولاۋشىلار تاسىمالى» اق);
- №337/338 «الماتى – دوستىق» پويىزى (جەكە تاسىمالداۋشى «Vagon Service Almaty» اق;
- №457/458 «سەمەي – دوستىق» پويىزى (تاسىمالداۋشى «جولاۋشىلار تاسىمالى» اق);
- №459/460 «وسكەمەن – دوستىق» (تاسىمالداۋشى «جولاۋشىلار تاسىمالى» اق);
- №6941/6942 «اقتوعاي – دوستىق» قالا ماڭى پويىزى (تاسىمالداۋشى «جولاۋشىلار تاسىمالى» اق)
