سۋرەتتى تۇسىرگەن ميحايل سوروكوۋموۆ
بۇگىنگى تاڭدا الماتى حاي-ۋاناتتار باعىندا 3 870 جانۋار بار. ۇلكەن قۇرلىقتىڭ ۇزدىك تورتتىگى سانالاتىن ازيالىق ءپىل, بەگەموت, وڭتۇستىكتىڭ اق مۇيىزتۇمسىعى مەن وڭتۇستىك افريكا كەرىگى كورەرمەندەر ايرىقشا نازار قويىپ تاماشالايتىن جانۋارلار قاتارىندا. سونىمەن بىرگە اقيىق, تازقارا, قاراقۇس, بۇركىت, يتەلگى, دالا قىرانى سەكىلدى قىزىل كىتاپقا ەنگەن سيرەك قۇستاردىڭ بالاپاندارى كىشكەنتاي كەلۋشىلەردى ىنتىقتىرا تۇسەدى. «بيىل ءبىزدىڭ حايۋاناتتار باعىنا وتەۋسىز نەگىزدە پۋرگا ەسىمدى ۇرعاشى اق ايۋ بەرىلدى, سونداي-اق ءۇش گرانا زەبراسى, شيمپانزە, امۋر جولبارىسى جانە قار بارىسى وسى جەردىڭ جاڭا مەكەندەۋشىلەرىنە اينالدى. جىل باسىنان بەرى 33 جانۋار تولدەگەن بولسا, ونىڭ 4-ەۋى – قىزىل كىتاپقا ەنگەن سيرەك تۇقىمداستار. ماسەلەن, 2020 جىلدان باستاپ جىل سايىن قاراقۇستاردان بالاپان الىپ وتىرمىز. بۇل رەتتە كوك قوشقار, پوني, كەنگۋرۋ, جايرا, مىسىق لەمۋرلارى, الا بۇعى, قوداس, چاپمان زەبراسى, سۋسيىر, قۇماي, جاپون تىرناسى, تاۋ قازى, افريكالىق سۇر جىلان, ت.ب. تولدەر ايرىقشا كۇتىمدە», دەيدى الماتى حايۋاناتتار باعى ديرەكتورىنىڭ ۆەتەريناريا جونىندەگى ورىنباسارى اعىباي اجىباەۆ.
ورتالىق ماماندارى 2025 جىلعا قاراي مۇنداعى جانۋارلار كوللەكتسياسىن 400 تۇرگە (4 000) دەيىن ۇلعايتۋ, ال 2030 جىلى 500 تۇرگە (7 000) جەتكىزۋ جوسپارلانعانىن جەتكىزدى. ء«بىزدىڭ مىندەتىمىز – جانۋارلار جويىلىپ كەتكەن نەمەسە سانى ازايعان جەرلەرگە ولاردى بوساتۋعا دايىنداۋ. ارينە, ءبىز حايۋاناتتار باعىندا تۋعان جانۋارلاردى جابايى تابيعاتقا جىبەرە المايمىز. حايۋاناتتار باعىندا جابايى جانۋارلاردى رەينترودۋكتسيالاۋ ورتالىعىن سالۋ جانە جانۋارلاردى جابايى تابيعاتقا شىعارۋ ادىستەرىن ازىرلەۋ قاجەت. بۇدان ءارى جانۋارلاردى بوساتۋ زوولوگيا ينستيتۋتىنىڭ زوولوگ عالىمدارى, ەكولوگيا جانە تابيعي رەسۋرستار مينيسترلىگى ورمان شارۋاشىلىعى جانە جانۋارلار دۇنيەسى كوميتەتى وكىلدەرىنىڭ باقىلاۋىمەن جۇزەگە اسىرىلادى», دەيدى الماتى حايۋاناتتار باعىنىڭ ديرەكتورى سەيىلحان اقىلبەكوۆ.
الداعى ۋاقىتتا باق اۋماعىنان «افريكالىق ساۆاننا», «اركتيكا» كەشەندەرىن سالۋ, ال كەلەر جىلى «تروپيكالىق جۇماق نەمەسە مايمىلدار ەلى», «ماداگاسكار», «قازاق دالاسى» كەشەندەرىنىڭ قۇرىلىس جوباسىن جاساۋ جوسپارلانىپ وتىر. سونىمەن بىرگە جاڭا ۆەتەرينارلىق كلينيكا, جابايى جانۋارلاردى رەينترودۋكتسيالاۋ ورتالىعىنىڭ قۇرىلىسى باستالماق. «جوسپار بويىنشا 2030 جىلعا دەيىن حايۋاناتتار باعىنىڭ جالپى اۋماعىنىڭ 70 %-ى رەكونسترۋكتسيالانباق. «افريكالىق ساۆاننا» جاڭا ەكسپوزيتسياسى پايدالانۋعا بەرىلگەننەن كەيىن جانۋارلاردى ۇستاۋ شارتتارى تابيعي مەكەندەۋ ورتاسىنا بارىنشا جاقىنداي تۇسەدى. وسىلايشا, ءبىر الاڭدا جانۋارلاردىڭ بىرنەشە ءتۇرى ۇستالاتىن بولادى. قىزمەتكەرلەردىڭ ەڭبەك جاعدايلارى, كەلۋشىلەردىڭ قىزىعۋشىلىعى ەسكەرىلمەك», دەيدى حايۋاناتتار باعىنىڭ ديرەكتورى.
الماتى
