«سوڭعى 5 جىلدا تەك اۋىل شارۋاشىلىعىنىڭ وزىنە 2 تريلليون سۋبسيديا بەرىلدى. سوعان قاراماستان وتكەن جىلى ازىق-ت ۇلىك يمپورتىنىڭ 20 پايىزعا وسكەنىن كورىپ وتىرمىز. قىرۋار قارجى سالىنىپ جاتىر. دەگەنمەن, بۇل جەردە قاۋىپ تە جوق ەمەس. رەسەي ءرۋبلى قۇنسىزدانىپ بارادى. تيىسىنشە, يمپورتتىق ءونىم ارزاندايدى. وسىلايشا ءبىزدىڭ ءونىم وندىرۋشىلەر ءتيىمسىز جاعدايعا تاپ بولدى. ءبىز وقشاۋلانعان ەل ەمەسپىز, رەسەيمەن ارادا كەدەندىك باج دا جوق. سايكەسىنشە مۇنىڭ ءبارى بىزگە اسەر ەتىپ وتىر. ءبىزدىڭ وسى باعىتقا جۇمساعان قارجىمىز, جالپى ءىس-ارەكەتىمىز قانشالىقتى ءتيىمدى؟», دەپ ماۋلەن اشىمباەۆ اۋىل شارۋاشىلىعى مينيسترىنە سۇراق قويدى.
سەنات توراعاسى بۇل ماسەلەگە قايتا ورالىپ, ونى الداعى ۇكىمەت ساعاتىندا جان-جاقتى تالقىلاۋدى ۇسىندى.
16 ماۋسىمدا پارلامەنت سەناتىندا اۋىل شارۋاشىلىعىنداعى ەكسپورت جانە يمپورتتى الماستىرۋ ماسەلەلەرى بويىنشا ۇكىمەت ساعاتى وتەدى.
