2020 جىلعى 20 قازانداعى №140/2020 بۇيرىققا سايكەس رەانيماتسيا بولىمىندە گەموترانسفۋزيا العان پاتسيەنتتەر 30 كۇننەن كەيىن ايتۆ-ينفەكتسياسىنا باقىلاۋ تالداۋىنان وتۋگە مىندەتتى. الماتى قالاسىنداعى جيتس ورتالىعىنىڭ ماماندارى ورتالىق قالالىق كلينيكالىق اۋرۋحاناسىندا ايتۆ ينفەكتسياسىن جۇقتىرعان ءۇش ناۋقاستى انىقتادى.
انىقتالعان فاكتىلەر نەگىزىندە قوعامدىق دەنساۋلىق ساقتاۋ باسقارماسىنىڭ بۇيرىعىمەن 2023 جىلدىڭ 2 ماۋسىمىندا ددۇ باسشىسىنىڭ ورىنباسارى مەن قالالىق جيتس ورتالىعى قىزمەتكەرلەرىنىڭ توراعالىعىمەن ارنايى كوميسسيا قۇرىلدى. كوميسسيا ايتۆ-ينفەكتسياسىنىڭ تارالۋ كوزدەرىن انىقتاۋ بويىنشا ىشكى تەرگەۋ جۇرگىزدى, دونورلار, مەديتسينا قىزمەتكەرلەرى مەن ناۋقاستارمەن بايلانىستا بولعان ادامدار تەكسەرىلدى.
قر دەنساۋلىق ساقتاۋ مينيسترلىگىنىڭ 26.10.2020 ج. №153 بۇيرىعى نەگىزىندە قوعامدىق دەنساۋلىق ساقتاۋ باسقارماسى وسى جىلدىڭ 13 ماۋسىمىندا كوميسسيانىڭ قورىتىندىسىن الماتى قالاسىنىڭ سانيتارلىق-ەپيدەميولوگيالىق باقىلاۋ دەپارتامەنتىنە بەردى. 2023 جىلدىڭ 14 ماۋسىمىندا دسەگ قر دسم قازاق دەرماتولوگيا جانە جۇقپالى اۋرۋلار عىلىمي ورتالىعىنىڭ ماماندارىن تارتا وتىرىپ, وقكب-نى جوسپاردان تىس تەكسەرۋگە باستاماشى بولدى.
تەكسەرۋ ناتيجەلەرى بويىنشا ۋاكىلەتتى ورگاندار ءتيىستى شارالار قابىلدايتىنى قوسا حابارلاندى.
