Factcheck.kz رەداكتسياسىنا Greenpeace وكىلدەرى حابارلاسىپ, قازاقستاندىق مەديادا جاريالانعان ورتكە قاتىستى كارتانى جاساماعانىن جانە ونىڭ شىندىققا جاناسپايتىنىن العا تارتتى.
قر ەكولوگيا جانە تابيعي رەسۋرستار مينيسترلىگىنىڭ اقپاراتىنا سايكەس, وبلىستا بولعان ءورتتىڭ (12 ماۋسىمداعى دەرەك بويىنشا) جالپى اۋدانى 60 مىڭ گەكتاردان اسىپ, ونىڭ 43 مىڭ گەكتارىندا جانۋ وشاقتارى بار ەكەنى انىقتالعان.
«كانادانىڭ توتەنشە جاعدايلار ءمينيسترى بيلل بلەر The Globe and Mail باسىلىمىنا ەلدە 431 ءورت تىركەلگەنىن, ونىڭ 200-دەن استامى باقىلاۋدان شىعىپ كەتكەنىن ايتقان. جىل باسىنان بەرى كانادادا 4,7 ملن گەكتاردان استام جەر ورتەنگەن. ەلدىڭ كۆەبەك, البەرتا جانە بريتاندىق كولۋمبيانى كوسا العاندا بىرنەشە پروۆينتسيالارىندا ءورت ءالى باسىلماعان», دەپ جازدى Factcheck.kz.
Greenpeace ۇيىمىنىڭ 13 ماۋسىمداعى اقپاراتىنا سايكەس, ورمان ءورتى بويىنشا العاشقى بەستىككە كانادا, رەسەي, برازيليا, اۋستراليا جانە كىتاي كىرگەن. ال اباي وبلىسىنداعى ءورت بۇل بەستىككە كىرمەگەن.
