كلينيكانىڭ ءباسپاسوز قىزمەتى ءمالىم ەتكەندەي, 28 جاستاعى پاتسيەنت اۋرۋحاناعا «انالىق بەزى كيستاسى» دياگنوزىمەن تۇسكەن. سوڭعى كەزدە ىسىك قاتتى ۇلكەيگەن, ديامەترى 35 سانتيمەترگە جەتىپ, كولەمى 9 ايلىق جۇكتىلىكپەن تەڭەسكەن.
گينەكولوگيا بولىمشەسى مەڭگەرۋشىسى المات قوڭىرقۇلجينوۆتىڭ ايتۋىنشا, دارىگەرلەر مۇنداي ۇلكەن كيستانى بۇرىن-سوڭدى كەزدەستىرمەگەن.
تاجىريبەلى حيرۋرگ ماماندار ىسىك كولەمى ۇلكەن بولعاندىقتان لاپاروتوميالىق وپەراتسيا جاساۋ تۋرالى شەشىم قابىلدادى. وتا كەزىندە كيستادان 10 ليترگە جۋىق سۇيىقتىق الىنعان.
مىندەتتى الەۋمەتتىك مەديتسينالىق ساقتاندىرۋ شەڭبەرىندە جاسالعان وپەراتسيا ءساتتى ءوتتى. دارىگەرلەر ايەلدىڭ رەپرودۋكتيۆتىك ورگاندارىن عانا ەمەس, ىشتەگى نارەستەنى دە ساقتاپ قالدى. قازىر ەكەۋىنىڭ ومىرىنە تونگەن قاۋىپ تولىعىمەن سەيىلدى, دەيدى دارىگەر.
