2023 جىلدىڭ 12 ماۋسىمىندا «قازاقستان حالقىنا» قوعامدىق قورى قامقورشىلىق كەڭەسىنىڭ كەزەكتى وتىرىسى ءوتتى.
«قامقورشىلىق كەڭەس توراعاسىنىڭ وكىلەتتىك مەرزىمىنىڭ اياقتالۋىنا بايلانىستى, قور جارعىسىنىڭ 5.6-تارماعىنا سايكەس اشىق داۋىس بەرۋ ناتيجەسىندە قايىربەك سۇلەيمەنوۆ ءبىر اۋىزدان «قازاقستان حالقىنا» قوعامدىق قورى قامقورشىلىق كەڭەسىنىڭ توراعاسى بولىپ قايتا سايلاندى», دەلىنگەن حابارلامادا.
قايىربەك سۇلەيمەنوۆ - كورنەكتى مەملەكەت جانە قوعام قايراتكەرى, حالىق قاھارمانى, «اتامەكەن» ۇكپ كاسىپكەرلەردىڭ قۇقىعىن قورعاۋ جانە سىبايلاس جەمقورلىققا قارسى ءىس-قيمىل كەڭەسىنىڭ توراعاسى. 2022 جىلدىڭ قاڭتارىنان باستاپ قوردىڭ قامقورشىلىق كەڭەسىنىڭ مۇشەسى, 2022 جىلدىڭ ماۋسىمىندا قامقورشىلىق كەڭەستىڭ توراعاسى بولىپ سايلاندى.
بۇل رەتتە قامقورشىلىق كەڭەس - قوردىڭ جوعارى باسقارۋ ورگانى ەكەنىن ايتا كەتكەن ورىندى. قامقورشىلىق كەڭەس قور قىزمەتىنىڭ ستراتەگيالىق باعىتتارى مەن ونىڭ مىندەتتەرىن ايقىندايدى, بيۋدجەتتى بەكىتەدى, باسقا دا باقىلاۋ جانە ۇيىمداستىرۋ فۋنكتسيالارىن جۇزەگە اسىرادى. قامقورشىلىق كەڭەس مۇشەلەرى ءوز قىزمەتىن قوعامدىق نەگىزدە اتقارادى.
